ହାଇଦ୍ରାବାଦ: କ୍ରିକେଟ ପିଚ୍ରେ ରେକର୍ଡ କରୁଥିବା ବିରାଟ ସୋସିଆଲ ମିଡିଆରେ ବି କରିଛନ୍ତି ରେକର୍ଡ । ତାଙ୍କର ଟ୍ବିଟର ଆକାଉଣ୍ଟ ଦେଖିଲେ ଜଣା ପଡୁଛି ଯେ, ଅଧିନାୟକ ବିରାଟ କୋହଲିଙ୍କ ପ୍ରଶଂସକ ଦିନକୁ ଦିନ ବଢିବାରେ ଲାଗିଛି । ବର୍ତ୍ତମାନ ତାଙ୍କର ଟ୍ବିଟରରେ ଫଲୋର୍ସ ସଂଖ୍ୟା 3କୋଟି ଟପିଲାଣି ।
ଫଲୋର୍ସଙ୍କ ଲିଷ୍ଟରେ ବିରାଟ କ୍ରିକେଟର ଭଗବାନ ସଚିନ ତେନ୍ଦୁଲକରଙ୍କୁ ପଛରେ ପକେଇ ଦେଇଛନ୍ତି । ବର୍ତ୍ତମାନ ସୁଦ୍ଧା କୋହଲିଙ୍କ ଟ୍ବିଟର ଆକାଉଣ୍ଟରେ 30.1ମିଲିୟନ ଫଲୋର୍ସ ଥିବାବେଳେ ସଚିନ ତେନ୍ଦୁଲକରଙ୍କ ଫଲୋର୍ସ 29.4 ରହିଛି ।
ତେବେ 3କୋଟି ଫଲୋର୍ସ ସଂଖ୍ୟା ଟପିବା ଖୁସିରେ କୋହଲି ନିଜର ଆକାଉଣ୍ଟରେ ଟ୍ବିଟ କରି ତାଙ୍କ ସମର୍ଥକଙ୍କୁ ଧନ୍ୟବାଦ ଜଣାଇଛନ୍ତି । ଏଥିସହ ଏକ ଭିଡିଓ ସେୟାର କରିଛନ୍ତି ।
