ନୂଆଦିଲ୍ଲୀ: କୋରୋନା ଭାଇରସ ଲକାଡାଉନ ସମୟରେ ସହାୟତା ପାଇଁ ଆଗେଇ ଆସିଛନ୍ତି ଅନେକ କ୍ରିକେଟର । ଏହି କ୍ରମରେ ସାମିଲ ହୋଇଛନ୍ତି ଟିମ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ ଲୋକେଶ ରାହୁଲ । ଅସହାୟ ପିଲାଙ୍କୁ ସହାୟତା ପାଇଁ ନିଜର 2019 ବିଶ୍ବକପ ବ୍ୟାଟକୁ ନିଲାମ କରିବା ସହ ପାଣ୍ଠି ଯୋଗାଡରେ ଲାଗିଛନ୍ତି ରାହୁଲ ।
28ତମ ଜନ୍ମଦିନରେ ପୂର୍ବରୁ ରାହୁଲ ଭାରତ ଆର୍ମି ଉଦ୍ଦେଶ୍ୟରେ କ୍ରିକେଟ ସରଞ୍ଜାମ(ହେଲମେଟ, ଜର୍ସି, ଗ୍ଳୋବ୍ସ, ପ୍ୟାଡ) ଦାନ କରିଥିଲେ । ଦେଶର ଏପରି କଠିନ ସମୟରେ ଅସହାୟ ପିଲାମାନଙ୍କୁ ସାହାଯ୍ୟ କରିପାରିଲେ ବହୁତ ଖୁସି ହେବେ ବୋଲି କହିଛନ୍ତି ରାହୁଲ । ଏଇଥି ପାଇଁ 2019 କ୍ରିକେଟ ବିଶ୍ବକପ ବ୍ୟାଟ, ଟେଷ୍ଟ ଓ ଦିନିକିଆ ଜର୍ସି, ହେଲମେଟ, ବ୍ୟାଟିଂ ଗ୍ଲୋବ୍ସ, ପ୍ୟାଡ ସବୁକୁ ନିଲାମ କରିଛନ୍ତି ।