ଶ୍ରୀନଗର: ପର୍ଯ୍ୟଟକଙ୍କ ପରେ ଏବେ କ୍ରିକେଟରଙ୍କ ପାଳି । ଅରମନାଥ ତଥା ଜାମ୍ମୁ-କାଶ୍ମୀର ଉପତ୍ୟାକାରେ ଥିବା ହଜାର ଜହାର ଯାତ୍ରୀଙ୍କୁ ଫେରିଯିବାକୁ ନିର୍ଦ୍ଦେଶ ପରେ ଏବେ ଭାରତୀୟ ଅଲରାଉଣ୍ଡର ଇର୍ଫାନ ପଠାନ ଓ ତାଙ୍କ ସହ ଅନ୍ୟ 100 କ୍ରିକେଟରଙ୍କୁ ଅଭ୍ୟାସ ରଦ୍ଦ କରି ଫେରି ଆସିବାକୁ ନିର୍ଦ୍ଦେଶ ଦିଆଯାଇଛି । ତେବେ ଜମ୍ମୁ-କାଶ୍ମୀରରେ ଲାଗିରହିଥିବା ଅସ୍ଥିରତାକୁ ଦୃଷ୍ଟିରେ ରଖି ଭାରତ ସରକାରଙ୍କ ତରଫରୁ ସିକ୍ୟୁରିଟି ଆଡଭାଇଜରୀ ବା ସୁରକ୍ଷା ଜନିତ ପରାମର୍ଶ ଜାରି କରାଯାଇଛି ।
ସୂଚନାଥାଉ କି, ଇର୍ଫାନ ପଠାନ ଓ ଜମ୍ମୁ-କାଶ୍ମୀର କ୍ରିକେଟ ଆସୋସିଏସନ ଖେଳାଳିମାନେ ଆଗାମୀ ଘରୋଇ ସିଜିନ ପାଇଁ ପ୍ରି-କ୍ୟାମ୍ପ ଜାରି ରଖିଥିଲେ । "ଆସୋସିଏସନ ଜଣେ ଅଧିକାରୀ ଆଇଏନଏସ ଖବର ସରବରାହ ସଂସ୍ଥାକୁ ସୂଚନା ଦେଇ କହିଛନ୍ତି । ଏବେ ଆମର ଘରୋଇ ସିରିଜ ପାଇଁ ପୂର୍ବବର୍ତି ଆଭ୍ୟାସ ସିଜିନ ଚାଲିଥିଲା । ସିକ୍ୟୁରିଟି ଆଡଭାଇଜରୀକୁ ଆଖିରେ ରଖି ଶନିବାର ଇର୍ଫାନ ପଠାନ ଓ ଅନ୍ୟ 100 କ୍ରିକେଟରଙ୍କୁ ରାଜ୍ୟ ଛାଡିବାକୁ ଅନୁରୋଧ କରାଯାଇଛି । "
