ଚେନ୍ନାଇ: ଭାରତୀୟ ଟେଷ୍ଟ ବ୍ୟାଟ୍ସମ୍ୟାନ ଚେତେଶ୍ବର ପୂଜାରାଙ୍କୁ 50 ଲକ୍ଷରେ କିଣିଛି ଚେନ୍ନାଇ ସୁପର କିଙ୍ଗ୍ସ । ଇଣ୍ଡିଆନ ପ୍ରିମିୟର ଲିଗର ଚଳିତ ମିନି ନିଲାମିରେ ପୂଜାରା ଧୋନିଙ୍କ କ୍ୟାମ୍ପରେ ସାମିଲ ହୋଇଛନ୍ତି ।
ଆଇପିଏଲରେ 30ଟି ମ୍ୟାଚ ଖେଳିଥିବା ପୂଜାରା ଆଗାମୀ ଆଇପିଏଲରେ ଚେନ୍ନାଇର ହଳଦିଆ ଜର୍ସିରେ ନଜର ଆସିବେ । ବର୍ଷ 20214 ଆଇପିଏଲରେ ସେ ଶେଷ ଥର ପାଇଁ ପଞ୍ଜାବ ପକ୍ଷରୁ ଖେଳିଥିଲେ ଓ ଟିମ ଫାଇନାଲରେ ମଧ୍ୟ ପ୍ରବେଶ କରିଥିଲା ।
ସେହିପରି ଟିମ କରନଙ୍କୁ ଦିଲ୍ଲୀ କ୍ୟାପିଟାଲ୍ସ 5.25 କୋଟିରେ କିଣିଛି ।
ତେବେ ପବନ ନେଗୀ, ନ୍ୟୁଜିଲାଣ୍ଡ ବ୍ୟାଟ୍ସମ୍ୟାନ ମାର୍ଟିନ ଗୁପ୍ଟିଲ, ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ସନ ମାର୍ଶ, କୋରି ଆଣ୍ଡରସନ, ରସି ଭନ ଡସନଙ୍କୁ କୌଣସି ଫ୍ରାଞ୍ଚାଇଜ କିଣିନାହାଁନ୍ତି ।
ଲୁକମାନ ମେରିୱାଲାଙ୍କୁ ଦିଲ୍ଲୀ କ୍ୟାପିଟାଲ୍ସ 20 ଲକ୍ଷରେ କିଣିଛି । ବରୋଦା ଦ୍ରୁତବୋଲର ମେରିୱାଲା ସଦ୍ୟ ସମାପ୍ତ ହୋଇଥିବା ସୟଜ ମୁସ୍ତାକ ଅଲୀ ଟ୍ରଫିରେ 8ଟି ମ୍ୟାଚରୁ 15 ୱିକେଟ ହାସଲ କରିଥିଲେ। ସେହିପରି ଚେତନ ସାକାରିୟାଙ୍କୁ 1.2 କୋଟିରେ ରାଜସ୍ଥାନ ରୟାଲ୍ସ କିଣିଛି । ତାଙ୍କର ବେସ୍ ପ୍ରାଇସ 20 ଲକ୍ଷ ରହିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
