ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗ 2020ର ଫାଇନାଲ ମୁକାବିଲା ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ରହିଛି । ଫାଇନାଲ ମ୍ୟାଚକୁ ନେଇ ଫ୍ୟାନ୍ସଙ୍କ ମଧ୍ୟରେ ଉତ୍କଣ୍ଠା ବଢୁଥିବାବେଳେ, କ୍ରିକେଟ ବିଷାରଦମାନେ ବିଷ୍ଳେଷଣ ଓ ଚର୍ଚ୍ଚା ଜାରି ରଖିଛନ୍ତି । ଦିଲ୍ଲୀ କ୍ୟାପିଟାଲ୍ସକୁ ନେଇ ପୂର୍ବତନ ଭାରତୀୟ କ୍ରିକେଟର ସଞ୍ଜୟ ବାଙ୍ଗର ଗୁରୁତ୍ବପୂର୍ଣ୍ଣ ବୟାନ ରଖିଛନ୍ତି ।
ଆଇପିଏଲ ଫାଇନାଲ ମ୍ୟାଚର ଫଳାଫଳ ସହିତ ଟିମର ପ୍ରମୁଖ ଖେଳାଳିଙ୍କୁ ସୁରକ୍ଷିତ ରଖିବାକୁ ବାଙ୍ଗର କହିଛନ୍ତି । ନିଲାମ ପ୍ରକ୍ରିୟାରେ ଅନେକ ଖେଳାଳିଙ୍କୁ ଟିମ ବାହାର କରିଥାଏ । ସମସ୍ତ ବିଭାଗରେ ନୂଆ ଖେଳାଳିଙ୍କୁ ସ୍ଥାନ ପାଇଁ ପ୍ରୟାସ କରିଥାଏ । ମାତ୍ର ଦିଲ୍ଲୀ ପ୍ରମୁଖ ଖେଳାଳିଙ୍କୁ ରଖିବା ସପକ୍ଷରେ ମତ ଦେଇଛନ୍ତି ବାଙ୍ଗର ।
ଶ୍ରେୟସ ଆୟରଙ୍କ ଟିମରେ ଋଷଭ ପନ୍ତ, କାଗିସୋ ରବାଡା, ଅକ୍ସର ପଟେଲ, ଆନରିଚ ନର୍ଟଜେ ଓ ମାର୍କସ ଷ୍ଟୋଇନିସଙ୍କ ଭଳି ଷ୍ଟାର ଖେଳାଳି ରହିଛନ୍ତି । ମୁଖ୍ୟ କୋଚ ରିକି ପଏଣ୍ଟିଂଙ୍କ ସମୟରେ ଗତ ଦୁଇ ବର୍ଷ ଧରି ଟିମ ପ୍ରଭାବୀ ପ୍ରଦର୍ଶନ କରିଛି ।
ମୁମ୍ବାଇ ଇଣ୍ଡିଆନ୍ସ ବର୍ଷ 2013, 2015, 2017 ଓ 2019ରେ 4ଥର ଆଇପିଏଲ ଚମ୍ପିଆନ ରହିଛି । ରୋହିତ ଶର୍ମାଙ୍କ ନେତୃତ୍ବରେ ମୁମ୍ବାଇ ଇଣ୍ଡିଆନ୍ସ କ୍ବାଲିଫାୟର 1ରେ ଦିଲ୍ଲୀକୁ ହରାଇ ଫାଇନାଲରେ ପହଞ୍ଚିଛି । ସେହପରି କ୍ବାଲିଫାୟର 2ରେ ସନରାଇଜର୍ସ ହାଇଦ୍ରାବାକୁ ହରାଇ ଫାଇନାଲକୁ ଉନ୍ନୀତ ହୋଇଛି ଦିଲ୍ଲୀ କ୍ୟାପିଟାଲ୍ସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
