ହାଇଦ୍ରାବଦ: ବର୍ଷ 2019, ସମଗ୍ର ଭାରତ ବର୍ଷରେ ଏବେ ଦୁଇଟି ପ୍ରଶ୍ନ । ପ୍ରଥମ କିଏ ଗଢିବ ସରକାର ? ଆଉ କ୍ରିକେଟ ବିଶ୍ବକପ ଭାରତକୁ ଆସିବ କି ନାହିଁ ?
ତେବେ ଏହା ଭିତରେ ଆଜି ବିଶ୍ବକପ ପାଇଁ ଟିମ୍ ଇଣ୍ଡିଆ ଘୋଷଣା ହୋଇଛି। ବିସିସିଆଇ 15 ଜଣିଆ ସ୍କ୍ବାର୍ଡ ପ୍ରକାଶ କରିବା ପରେ ସବୁ ସପପେନ୍ସରେ ପୂର୍ଣ୍ଣଛେଦ ପଡିଛି । ବିରାଟଙ୍କ ନେତୃତ୍ବରେ ଇଂଲଣ୍ଡ ଉଡିବ ଟିମ୍ ଇଣ୍ଡିଆ । ବିସିସିଆଇ ଚୟନ କମିଟି ଅଧ୍ୟକ୍ଷ ଏମଏସକେ ପ୍ରସାଦ ଓ ସମ୍ପାଦକ ଅମିତାଭ ଚୌଧୁରୀଙ୍କୁ ନେଇ ମୁମ୍ବାଇରେ ବସିଥଲା ବୈଠକ । ଆଉ ଏହି ବୈଠକ ପରେ ଘୋଷଣା ହୋଇଛି ଭାରତୀୟ ବିଶ୍ବକପ ଦଳ।
ତେବେ ସମସ୍ତଙ୍କୁ ଆଶ୍ଚର୍ଯ୍ୟ ଓ ତାଜୁବ କରି ଘୋଷଣା ହୋଇଛି ଏହି ଟିମ୍ ଇଣ୍ଡିଆ । ମଧ୍ୟକ୍ରମ୍ ବ୍ୟାଟ୍ସମ୍ୟାନ ଓ ବ୍ୟାକଅପ ୱିକେଟ କିପର ପାଇଁ ଲାଗି ରହିଥିବା ଦ୍ବନ୍ଦ୍ବର ଏମିତି ସମାଧାନ ବାହାର କରିଛି ଚୟନ କମିଟି । 4 ନମ୍ବର ସ୍ପଟ୍ କେଦାର ଯାଦବ ଓ ବିଜୟ ଶଙ୍କରଙ୍କୁ କମିଟି ଚୟନ କରିଛି । ସେହିପରି ବ୍ୟାକ ଅପ ୱିକେଟ କିପର ପାଇଁ ଦିନେଶ କାର୍ତ୍ତିକଙ୍କୁ ସାମିଲ କରାଯାଇଛି । ମାତ୍ର ପନ୍ତଙ୍କୁ ଦଳରେ ସାମିଲ ନକରିବା ନେଇ କ୍ରୀଡା ଜଗତରେ ଉଠିଛି ତୁମ୍ଭି ତୋଫାନ । ତେବେ ପନ୍ତଙ୍କୁ ଦଳରେ ସାମିଲ ନକରିବା ନେଇ ଏମିତି କହିଛିନ୍ତି ପ୍ରଶାଦ...
ଶେଷରେ ଏତିକି କହି ପାରିବା 5-ସ୍ପେଶାଲିଷ୍ଟ ବ୍ୟାଟ୍ସମ୍ୟାନ, 3-ଅଲରାଉଣ୍ଡର, 3-ଫାଷ୍ଟ ବୋଲର ଓ ଦୁଇ ରିଷ୍ଟ ସ୍ପିନରଙ୍କୁ ନେଇ ଘୋଷିତ ହୋଇଛି ଏକ ବାଲାନ୍ସ ଟିମ୍ । ତେବେ ଖାଲି ଅପେକ୍ଷା ଜୁଲାଇ 14ତାରିଖର ଲର୍ଡ୍ସ ଗ୍ରାଉଣ୍ଡର ସଂଧ୍ୟାକୁ । ପ୍ରଶାଦଙ୍କ ଏହି ବାଲାନ୍ସ ଟିମ ଭାରତକୁ ବିଶ୍ବକପ ଆଣି ପାରୁଛି ନା ଲର୍ଡ୍ସ ଗ୍ରାଉଣ୍ଡ ମୁହଁ ଦେଖିବା ବିନା ଘରକୁ ଫରୁଛି ।
ବ୍ୟୁରୋ ଇନପୁଟ, ଇଟିଭି ନ୍ୟୁଜ
