ନୂଆଦିଲ୍ଲୀ: ଆଇସିସି ଅଧ୍ୟକ୍ଷ ନିର୍ବାଚନକୁ ନେଇ ବଢୁଛି ଉଷ୍ମତା । ନ୍ୟୁଜିଲାଣ୍ଡର ଗ୍ରେଗ ବାର୍କଲେଙ୍କ ଅଧ୍ୟକ୍ଷ ପ୍ରାଥୀତ୍ବକୁ ସମର୍ଥନ କରିପାରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) । ସିଙ୍ଗାପୁରର ଇମ୍ରାନ ଖାୱଜା ଅଧ୍ୟକ୍ଷ ପଦ ପାଇଁ ଅନ୍ୟତମ ପାର୍ଥୀ ରହିଛନ୍ତି ।
ଆଇସିସି ଅଧ୍ୟକ୍ଷ ଭାବେ ଭାରତର ଶଶାଙ୍କ ମନୋହରଙ୍କ କାର୍ଯ୍ୟକାଳ ଚଳିତ ବର୍ଷ ଜୁଲାଇରେ ଶେଷ ହେବାପରେ ଏହି ଗୁରୁତ୍ବପୂର୍ଣ୍ଣ ପଦ ଖାଲି ପଡିଛି । ଫଳରେ 16 ସଦସ୍ୟ ବିଶିଷ୍ଟ ଶକ୍ତିଶାଳୀ ଆଇସିସି ବୋର୍ଡରେ ବାର୍କଲେ ଓ ଖାୱଜା କେବଳ ଦୁଇଜଣ ଅଧ୍ୟକ୍ଷ ପଦ ପାଇଁ ନାମାଙ୍କନ ଭରିଛନ୍ତି । ଡିସେମ୍ବର ପ୍ରଥମ ସପ୍ତାହରେ ଆଇସିସି ବୋର୍ଡର ଭୋଟ ଗ୍ରହଣ ପ୍ରକ୍ରିୟା ହେବ ।
ନ୍ୟୁଜିଲାଣ୍ଡ କ୍ରିକେଟ ବୋର୍ଡ(NZC) ସହ ବିସିସିଆଇର ସମ୍ପର୍କ ନିବିଡ ରହିଛି । ଏପରି ସ୍ଥିତିରେ ଭାରତୀୟ କ୍ରିକେଟ ବୋର୍ଡ ଉପଯୁକ୍ତ ପ୍ରାର୍ଥୀ ଭାବେ ବାର୍କଲେଙ୍କୁ ସମର୍ଥନ କରିବାକୁ ଯାଉଛି ।
ଅନ୍ୟପଟେ ଖାୱଜାଙ୍କ ଦୃଷ୍ଟିଭଙ୍ଗୀ ଭାରତୀୟ କ୍ରିକେଟର ସମର୍ଥନରେ ନଥିବାରୁ ବିସିସିଆଇ ସମର୍ଥନ ନକରିବାର କାରଣ ହୋଇଛି । ଆଇସିସି ବୋର୍ଡ ପକ୍ଷରୁ ଏହି ସୂଚନୀ ରହିଛି । ପୂର୍ବରୁ ଆଇସିସିର ଉପାଧ୍ୟକ୍ଷ ଖାୱଜା ଏକାଧିକ ନିଷ୍ପତ୍ତିରେ ଭାରତୀୟ କ୍ରିକଟ ବୋର୍ଡର ସମର୍ଥନ କରିନାହାନ୍ତି । ଏପରି ସ୍ଥିତିରେ ନ୍ୟୁଜିଲାଣ୍ଡ କ୍ରିକେଟ ବୋର୍ଡର ବାର୍କଲେଙ୍କୁ ବିସିସିଆଇ ସମର୍ଥନ କରିବ ବୋଲି ସୂଚନା ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
