ହାଇଦ୍ରାବାଦ: ସ୍ଥଗିତ ହେଲା ଇଣ୍ଡିଆ ଏ' ଟିମର ଇଂଲଣ୍ଡ ଗସ୍ତ । ଇଂଲଣ୍ଡ କ୍ରିକେଟ ବୋର୍ଡ(ଇସିବି) ଓ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ପୁରୁଷ ଟିମର ଏହି ଗସ୍ତକୁ ସ୍ଥଗିତ ରଖିବାକୁ ସହମତି ପ୍ରକାଶ କରିଛନ୍ତି ।
ଇଂଲଣ୍ଡ ବିପକ୍ଷ 5 ମ୍ୟାଚ ବିଶିଷ୍ଟ ଟେଷ୍ଟ ସିରିଜ ପ୍ରସ୍ତୁତି ପାଇଁ ବଡ ସ୍କ୍ବାଡ ପାଇଁ ଯୋଜନା ରଖିଛି ବିସିସିଆଇ । ଦୁଇଟି ଇନଟ୍ରା-ସ୍କ୍ବାଡ 4 ଦିନିଆ ମ୍ୟାଚ ଖେଳାଯିବ । ତେବେ ଏହି ମ୍ୟାଚ ପାଇଁ ଭେନ୍ୟୁ ଘୋଷଣା କରାଯାଇନାହିଁ ।
ଭାରତ ଓ ଇଂଲଣ୍ଡ ମଧ୍ୟରେ 5 ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଅଗଷ୍ଟ 2021ରୁ ଆରମ୍ଭ ହେବ । ଏଥିପାଇଁ ଭାରତୀୟ ଟିମ ଇଂଲଣ୍ଡ ଗସ୍ତ କରିବ । ଟ୍ରେଣ୍ଟ ବ୍ରିଜ, ଲର୍ଡ୍ସ, ଏମେରାଲ୍ଡ ହେଡିଂଲେ, କିଅ ଓଭାଲ ଓ ଏମିରେଟସ ଓଲ୍ଡ ଟ୍ରାଫର୍ଡ 5 ଟି ଟେଷ୍ଟ ପାଇଁ ଭେନ୍ୟୁ ରହିଛି । ଅଗଷ୍ଟ 4ରେ ପ୍ରଥମ ଟେଷ୍ଟ ଖେଳାଯିବା ନେଇ ସୂଚୀ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
