କଲମ୍ବୋ: ମହାମାରୀ କୋରୋନା ଭାଇରସ ଯୋଗୁଁ ପ୍ରଭାବିତ ବିଶ୍ବ କ୍ରୀଡା କ୍ୟାଲେଣ୍ଡର । ଏକାଧିକ କ୍ରୀଡା ଇଭେଣ୍ଟ ବାତିଲ କିମ୍ବା ସ୍ଥଗିତ ଘୋଷଣା ହୋଇଛି । ସଦ୍ୟ ସୂଚନା ଅନୁଯାୟୀ ଇଂଲଣ୍ଡ କ୍ରିକେଟ ଟିମର ଶ୍ରୀଲଙ୍କା ଗସ୍ତ ଆସନ୍ତା ବର୍ଷ ଜାନୁଆରୀକୁ ଘୁଞ୍ଚାଇ ଦିଆଯାଇଛି । ଏନେଇ ଶ୍ରୀଲଙ୍କା କ୍ରିକେଟ ବୋର୍ଡ ସିଇଓ ସ୍ପଷ୍ଟ କରିଛନ୍ତି ।
ଚଳିତ ବର୍ଷ ମାର୍ଚ୍ଚ ମାସରେ ଇଂଲଣ୍ଡ ଟିମ ଶ୍ରୀଲଙ୍କା ଗସ୍ତ କରିଥିଲା । ଅଭ୍ୟାସ ମ୍ୟାଚ ସହ ପ୍ରାୟ 10 ଦିନ ବିତାଇବା ପରେ, କୋରୋନା ଭାଇରସ ଯୋଗୁଁ ଏହି ଗସ୍ତ ବାତିଲ ଘୋଷଣା ହୋଇଥିଲା । ଏହି ଗସ୍ତରେ ଇଂଲଣ୍ଡ-ଶ୍ରୀଲଙ୍କା ମଧ୍ୟରେ ଆଇସିସି ଟେଷ୍ଟ ଚମ୍ପିଆନସିପ ଅନ୍ତର୍ଭୁକ୍ତ 2ଟି ଟେଷ୍ଟ ମ୍ୟାଚ ଖେଳାଯିବାର ସୂଚୀ ରହିଛି ।
