ମେଲବର୍ଣ୍ଣ: ଭାରତ ବିପକ୍ଷ ଟେଷ୍ଟ ସିରିଜ ଆୟୋଜନ ନେଇ ଦୃଢଆଶାବାଦୀ ଅଷ୍ଟ୍ରେଲିଆ କ୍ରିକେଟ ବୋର୍ଡ । ଏହି ସିରିଜ ଚଳିତ ବର୍ଷ ଅକ୍ଟୋବରରୁ ଜାନୁଆରୀ ମଧ୍ୟରେ ଏହି ସିରିଜର ଖେଳାଯିବା ନେଇ ସୂଚୀ ରହିଛି । କଟକଣା ସତ୍ତ୍ବେ ଏହି ସିରିଜ ସମ୍ଭବ ହେବାର ସମ୍ଭାବନା ଅଧିକ ରହିଥିବା କହିଛନ୍ତି କ୍ରିକେଟ ଅଷ୍ଟ୍ରେଲିଆର ମୁଖ୍ୟ କାର୍ଯ୍ୟନିବାହୀ କେଭିନ ରୋବର୍ଟସ ।
ତେବେ ସମସ୍ତଙ୍କ ନଜର ପାକିସ୍ତାନ ଓ ୱେଷ୍ଟଇଣ୍ଡିଜର ଇଂଲଣ୍ଡ ଗସ୍ତ ଉପରେ ରହିଛି । ବିନା ଦର୍ଶକରେ ଖାଲି ଷ୍ଟାଡିୟମରେ କ୍ରିକେଟ କିପରି ଗ୍ରହଣୀୟ ହେଉଛି ତାଙ୍କୁ ସମସ୍ତଙ୍କ ଅପେକ୍ଷା ରହିଛି । ଅନ୍ୟପଟେ ଖେଳାଳିଙ୍କ ପାଇଁ ବ୍ୟବସ୍ଥା ହୋଇଥିବା ଜୈବ ସୁରକ୍ଷିତ ପରିବେଶ ଉପରେ ମଧ୍ୟ ଧ୍ୟାନ ଦିଆଯାଉଛି ।
କ୍ରିକେଟ ଅଷ୍ଟ୍ରେଲିଆ ଆର୍ଥିକ ସଙ୍କଟକୁ ଏହି ସିରିଜା ଭରଣା କରିବାର ସହାୟକ ହୋଇପାରିବ ବୋଲି ମଧ୍ୟ ଆଶାପ୍ରକଟ କରିଛନ୍ତି କେଭିନ ରୋବର୍ଟସ ।
