କୋଲକାତା: ଆଜିଠୁ (ରବିବାର) ସାତଦିନ ସଟଡାଉନ ଘୋଷଣା ହୋଇଛି ବେଙ୍ଗଲ କ୍ରିକେଟ ଆସୋସିଏସନର ମୁଖ୍ୟ କାର୍ଯ୍ୟାଳୟ । ଐତିହାସିକ ଇଡେନ ଗାର୍ଡେନ ଗ୍ରାଉଣ୍ଡର ଜଣେ ଅସ୍ଥାୟୀ କର୍ମଚାରୀଙ୍କ କୋଭିଡ -19 ଟେଷ୍ଟ ରିପୋର୍ଟ ପଜିଟିଭ ଜଣାପଡିବା ପରେ ଏହି ନିଷ୍ପତ୍ତି ନିଆଯାଇଛି ।
କର୍ମଚାରୀ ଜଣ ନାମ ଚନ୍ଦନ ଦାସ ବୋଲି ଜଣାପଡିଛି । ସିଭିଲ ଇଂଜିନିୟରିଂ ଡିପାର୍ଟମେଣ୍ଟରେ ଚନ୍ଦନ ଅସ୍ଥାୟୀ ଭାବେ କାର୍ଯ୍ୟ କରୁଥିଲେ । ଏନେଇ ଏକ ଘୋଷଣାନାମାରେ ସୂଚନା ଦେଇଛନ୍ତି କ୍ରିକେଟ ଆସୋସିଏସନ ଅଫ ବେଙ୍ଗଲ ସଭାପତି ଅଭିଷେକ ଡାଲମିୟା । ପଜିଟିଭ ଚିହ୍ନଟ ହୋଇଥିବା କର୍ମଚାରୀ ଜଣଙ୍କୁ ଚରନୋକ ହସ୍ପିଟାଲରେ ଭର୍ତ୍ତି କରାଯାଇଛି । ଗତ ସାତଦିନ ମଧ୍ୟରେ ସେ ସିଏବି କାର୍ଯ୍ୟାଳୟକୁ ଆସିନଥିବା ଜଣ ପଡିଛି ।
ଶନିବାର ବେଙ୍ଗଲରେ 743 ନୂଆ ପଜିଟିଭ ସହ ଗୋଟିଏ ଦିନରେ ରେକର୍ଡ ସଂଖ୍ୟକ ପଜିଟିଭ କେସ ଚିହ୍ନଟ ହୋଇଥିଲେ ।
