ହାଇଦ୍ରାବାଦ: ଭାରତୀୟ ମହିଳା କ୍ରିକେଟ ଦଳର ଅଧିନାୟିକା ମିତାଲି ରାଜ ଗତକାଲି ଅନ୍ତର୍ଜାତୀୟ ଟି-20 କ୍ୟାରିଅରରୁ ସନ୍ୟାସ ନେଇଛନ୍ତି । ଏହାପରେ କ୍ରୀଡା ଜଗତରୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟୁଛି । ତେବେ କ୍ରିକେଟର ଚେତେଶ୍ବର ପୂଜାରା ବି ମିତାଲିଙ୍କୁ ଶୁଭେଚ୍ଛା ଜଣାଇଛନ୍ତି ।
ସେ ଟ୍ବିଟ କରି କହିଛନ୍ତି ଯେ, ଏକ ଶ୍ରେଷ୍ଠ ଟି-20 ଅନ୍ତରାଷ୍ଟ୍ରୀୟ କ୍ୟାରିୟର ପାଇଁ ଅଭିନନ୍ଦନ । ଆପଣ ଅନେକ ଝିଅମାନଙ୍କ ପାଇଁ ପ୍ରେରଣା ।
36 ବର୍ଷୀୟ ମିତାଲି ଏଯାଏଁ 32ଟି-20 ମ୍ୟାଚର ନେତୃତ୍ବ ନେଇଥିଲେ । ସେ ଟି-20ମ୍ୟାଚରେ 2000ରନ ହାସଲ କରିଥିବା ପ୍ରଥମ ଭାରତୀୟ ମହିଳା ।
ତେବେ ସେ ଅନ୍ତର୍ଜାତୀୟ ଟି-20 କ୍ୟାରିଅରରୁ ସନ୍ୟାସ ନେବା ପରେ କହିଛନ୍ତି ଯେ, 2006ରୁ ଅନ୍ତର୍ଜାତୀୟ ଟି-20 ମ୍ୟାଚର ନେତୃତ୍ବ ନେବା ପରେ,2021ରେ ବିଶ୍ବକପରେ ନିଜକୁ ପ୍ରସ୍ତୁତ କରିବା ପାଇଁ ଟି-20 କ୍ୟାରିଅରରୁ ସନ୍ୟାସ ନେଉଛି । ଦେଶ ପାଇଁ ବିଶ୍ବକପ ଜିତିବା ମୋର ସ୍ବପ୍ନ ।
ତାଙ୍କୁ ବିସିଆଇ ସର୍ବଦା ସମର୍ଥନ କରିଥିବାରୁ ବିସିଆଇକୁ ଧନ୍ୟବାଦ ଜଣାଇଛନ୍ତି । ଏଥିସହ ଭାରତୀୟ ଟି-20 ଟିମ୍କୁ ଶୁଭକାମନା ଜଣାଇଛନ୍ତି ।
