ନୂଆଦିଲ୍ଲୀ: ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ ନେଇ ମହିଳା କୁସ୍ତିଯୋଦ୍ଧା ରିତୁ ଫୋଗତଙ୍କ ବଡ ବୟାନ । କୋହଲିଙ୍କୁ ନିଜର ପ୍ରେରଣାର ଉତ୍ସ କହିଛନ୍ତି ରିତୁ ।
ବିରାଟ କୋହଲି ଶେଷ ପର୍ଯ୍ୟନ୍ତ ଲଢେଇ ଜାରି ରଖିଥାନ୍ତି ଏବଂ ପଡିଆରେ ନିଜର ଶତପ୍ରତିଶତ ପ୍ରଦର୍ଶନ କରିବାକୁ ଚେଷ୍ଟା କରନ୍ତି । ଏହା କହିଛନ୍ତି ଓ୍ବାନ ଚମ୍ପିଆନସିପ ଷ୍ଟାର ରିତୁ ଫୋଗତ ।
କୋହଲି ବର୍ତ୍ତମାନ ଆଇପିଏଲ 2020ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର କ୍ୟାପଟେନ ରହିଛନ୍ତି । ଏଯାବତ ଟିମର ପ୍ରଦର୍ଶନ ପ୍ରଭାବୀ ରହିବା ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି ।
କ୍ରିକେଟ କଥା ଆସିଲେ ବିରାଟ କୋହଲିଙ୍କ ବଡ ଫ୍ୟାନ ଓ ଆଇପିଏଲର କଥା ଆସିଲେ ବିରାଟ କୋହଲି ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ସଂପୂର୍ଣ୍ଣ ସମର୍ଥନ କରେ, ଏହା କହିଛନ୍ତି କୁସ୍ତିଯୋଦ୍ଧା ରିତୁ ଫୋଗଟ ।
ଅକ୍ଟୋବର 30ରେ ନୋଉ ସେର ପୋଭଙ୍କୁ ସହ ରିତୁଙ୍କ ମୁକାବିଲା ରହିଛି । ସୋସିଆଲ ମିଡିଆରେ କୋହଲିଙ୍କ ଟ୍ରେନିଂ ଭିଡିଓ ଦେଖି ଅନୁପ୍ରାଣିତ ହୋଇଥିବା କହିଛନ୍ତି ରିତୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
