ନୂଆଦିଲ୍ଲୀ: ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତଙ୍କୁ ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ସମର୍ଥନ । ଗାଙ୍ଗୁଲି କହିଛନ୍ତି ପନ୍ତ ଜଣେ ଭଲ ଖେଳାଳି । ତାଙ୍କୁ ସମୟ ଦିଆଯିବା ଦରକାର । ଅଧିକ ମ୍ୟାଚ ଖେଳିଲେ ପନ୍ତଙ୍କ ଅଭିଜ୍ଞତା ବଢିବ ବୋଲି ମଧ୍ୟ କହିଛନ୍ତି ।
ଗାଙ୍ଗୁଲି ପୂର୍ବରୁ ଆଇପିଏଲ ଫ୍ରାଞ୍ଚାଇଜ ଦିଲ୍ଲୀ କ୍ୟାପିଟାଲ୍ସ ସହ କାର୍ଯ୍ୟ କରିଛନ୍ତି । ପନ୍ତ ଦିଲ୍ଲୀ କ୍ୟାପିଟାଲ୍ସର ଷ୍ଟାର ବ୍ୟାଟ୍ସମ୍ୟାନ ରହିଛନ୍ତି । ଗତ ସଂସ୍କରଣର ଆଇପିଏଲରେ ପନ୍ତ ଜବରଦସ୍ତ ଫର୍ମରେ ରହିଥିଲେ ।
ତେବେ ଚଳିତ ବାଂଲାଦେଶ ବିପକ୍ଷ ଟି20 ସିରିଜରେ ପନ୍ତ ନିଜ ଫର୍ମ ପାଇଁ ସଂଘର୍ଷ କରୁଥିବା ଦେଖାଯାଇଛି । ଖରାପ ସଟ ଖେଳି ନିଜ ୱିକେଟ ମଧ୍ୟ ହରାଉଥିବା ଦେଖାଯାଉଛି । ଅନ୍ୟପଟେ ପନ୍ତଙ୍କ ୱିକେଟ କିପିଂରେ ମଧ୍ୟ ସାମାନ୍ୟ ଢିଲାପଣ ଦେଖିବାକୁ ମିଳିଛି । 2ୟ ଟି20ରେ ଏକ ନିଶ୍ଚିନ୍ତ ଷ୍ଟମ୍ପିଂକୁ ହାତ ଛଡା କରିଥିଲେ ପନ୍ତ । ଫଳରେ ବାଂଲାଦେଶ ବ୍ୟାଟ୍ସମ୍ୟାନ ଲିଟନ ଦାସଙ୍କୁ ଜୀବନଦାନ ମିଳିଥିଲା । ଫଳରେ ସୋସିଆଲ ମିଡିଆରେ ଭାରତୀୟ ଫ୍ୟାନ୍ସଙ୍କ ଟ୍ରୋଲର ଶିକାର ହୋଇଥିଲେ ପନ୍ତ ।
