Asian Games: ଟି-20 ଫର୍ମାଟରେ ନେପାଳର ବିଶ୍ବ ରେକର୍ଡ, ସର୍ବାଧିକ ଦଳୀୟ ସ୍କୋର ସହ ଦୀପେନ୍ଦ୍ରଙ୍କ 9 ବଲରୁ ଅର୍ଦ୍ଧଶତକ

19ତମ ଏସୀୟ କ୍ରୀଡାରେ ନେପାଳ ଏକ ନୂଆ ବିଶ୍ବ ରେକର୍ଡ କରିଛି । ଟି-20 ଫର୍ମାଟରେ ସର୍ବାଧିକ ଦଳୀୟ ସ୍କୋର କରିବା ସହିତ 9ଟି ବଲରୁ ଅର୍ଦ୍ଧଶତକ ହାସଲ କରିଛନ୍ତି ନେପାଳ କ୍ରିକେଟର ଦୀପେନ୍ଦ୍ର । ଅଧିକ ପଢ଼ନ୍ତୁ

ହାଙ୍ଗଝୌ: ଚୀନରେ ଚାଲିଥିବା ଏସୀୟ କ୍ରୀଡ଼ାରେ ନେପାଳ କ୍ରିକେଟ ଟିମ୍‌ ବିଶ୍ବ ରେକର୍ଡ ସ୍ଥାପନା କରିଛି । ଟି-ଟ୍ବେଣ୍ଟି କ୍ରିକେଟ ଫର୍ମାଟରେ ମଙ୍ଗୋଲିଆ ବିପକ୍ଷ ତାର ପ୍ରଥମ ଲିଗ୍‌ ମ୍ୟାଚରେ ସର୍ବାଧିକ ଦଳୀୟ ସ୍କୋର୍‌ କରିଛି । ଏହା ସହିତ କୁଶଳ ମଲ୍ଲ ଓ ଦୀପେନ୍ଦ୍ର ସିଂହ ଯଥାକ୍ରମେ ଦ୍ରୁତତମ ଶତକ ଓ ଅର୍ଦ୍ଧଶତକ ହାସଲ କରିଛନ୍ତି । ଦୀପେନ୍ଦ୍ର ସିଂହ 9ବଲରୁ ଦ୍ରୁତତମ ଅର୍ଦ୍ଧଶତକ ହାସଲ କରି ବିଶ୍ବ ରେକର୍ଡ ସ୍ଥାପନ କରିଛନ୍ତି । ପୂର୍ବରୁ ଯୁବରାଜ ସିଂହଙ୍କ ନାମରେ ଏହି ରେକର୍ଡ ରହିଥିଲା । ମଙ୍ଗୋଲିଆକୁ ଉକ୍ତ ମ୍ୟାଚରେ 278 ରନରେ ପରାସ୍ତ କରି ବିଜୟରୁ ଅଭିଯାନ ଆରମ୍ଭ କରିଛି ନେପାଳ ।

• 🏆 Match Day 01 🇳🇵🇲🇳 🏏
  Kushal Malla on fire as he gets his century 🔥#weCAN #AsianGames pic.twitter.com/dmzfLeLX5y

  — CAN (@CricketNep) September 27, 2023 " class="align-text-top noRightClick twitterSection" data="

  🏆 Match Day 01 🇳🇵🇲🇳 🏏
  Kushal Malla on fire as he gets his century 🔥#weCAN #AsianGames pic.twitter.com/dmzfLeLX5y

  — CAN (@CricketNep) September 27, 2023

  ">

  🏆 Match Day 01 🇳🇵🇲🇳 🏏
  Kushal Malla on fire as he gets his century 🔥#weCAN #AsianGames pic.twitter.com/dmzfLeLX5y

  — CAN (@CricketNep) September 27, 2023

9ବଲରୁ ଦୀପେନ୍ଦ୍ରଙ୍କ ଅର୍ଦ୍ଧଶତକ: ଏସୀୟ କ୍ରୀଡ଼ାରେ ନେପାଳର ଦୀପେନ୍ଦ୍ର ସିଂହ 9 ବଲରୁ ଦ୍ରୁତତମ ଅର୍ଦ୍ଧଶତକ ହାସଲ କରିଥିଲେ । ପୂର୍ବରୁ ଏହି ରେକର୍ଡ ଯୁବରାଜ ସିଂହଙ୍କ ନାମରେ ରହିଥିଲା । 2007 ବିଶ୍ବକପରେ ଯୁବରାଜ ଇଂଲଣ୍ଡ ବିପକ୍ଷରେ 12ଟି ବଲରୁ ଅର୍ଦ୍ଧଶତକ ହାସଲ କରିଥିଲେ । ମାତ୍ର ଏବେ ଏହି ରେକର୍ଡ୍‌ ଦୀପେନ୍ଦ୍ରଙ୍କ ନାମରେ ରହିଛି । ସେ 9 ବଲରୁ 50 ରନ୍‌ କରିଛନ୍ତି । ତାଙ୍କ ଷ୍ଟ୍ରାଇକ୍‌ ରେଟ୍‌ 555 ରହିଛି । ସେହିପରି ନେପାଳର ଅନ୍ୟତମ ବ୍ୟାଚର କୁଶଳ ମଲ୍ଲ ଦ୍ରୁତତମ ଶତକ ହାସଲ କରିଛନ୍ତି । ସେ ମାତ୍ର 34ବଲରେ ଶତକ ହାସଲ କରିଛନ୍ତି । ପୂର୍ବରୁ ଏହି ରେକର୍ଡ ରୋହିତ ଶର୍ମା, ସମସବିକ୍ରମା ଓ ଡେଭିଡ୍‌ ମିଲର୍‌ଙ୍କ ନାମରେ ଥିଲା । ତିନିଜଣ 35 ବଲ୍‌ରୁ ଶତକ ହାସଲ କରିଥିଲେ । ଏହା ସହିତ ଦ୍ବିତୀୟ କନିଷ୍ଠ ଖେଳାଳି ଭାବେ ଟି-ଟ୍ବେଣ୍ଟି ଅନ୍ତର୍ଜାତୀୟରେ ଶତକ ଅର୍ଜନ କରିଛନ୍ତି ।

• 🏆 Match Day 01 🇳🇵🇲🇳 🏏
  DS Airee gets his half century 🔥#weCAN #AsianGames pic.twitter.com/QXsJFe9yxZ

  — CAN (@CricketNep) September 27, 2023 " class="align-text-top noRightClick twitterSection" data="

  🏆 Match Day 01 🇳🇵🇲🇳 🏏
  DS Airee gets his half century 🔥#weCAN #AsianGames pic.twitter.com/QXsJFe9yxZ

  — CAN (@CricketNep) September 27, 2023

  ">

  🏆 Match Day 01 🇳🇵🇲🇳 🏏
  DS Airee gets his half century 🔥#weCAN #AsianGames pic.twitter.com/QXsJFe9yxZ

  — CAN (@CricketNep) September 27, 2023

ଗୋଟିଏ ପାଳିରେ ସର୍ବାଧିକ ଛକା: ନେପାଳ ମଙ୍ଗୋଲିଆ ବିପକ୍ଷରେ ଏକାଧିକ ବିଶ୍ବ ରେକର୍ଡ ସ୍ଥାପନା କରିଛି । ନେପାଳ ତାର ପାଳିରେ ସର୍ବାଧିକ ଛକା ମାରିଛି । ନେପାଳ ବ୍ୟାଟର ମୋଟ 26ଟି ଛକା ମାରିଥିଲେ । ପୂର୍ବରୁ ଆଫଗାନିସ୍ତାନ 2019ରେ ଆୟର୍ଲାଣ୍ଡ ବିପକ୍ଷରେ 22ଟି ଛକା ମାରି ରେକର୍ଡ କରିଥିଲେ ମାତ୍ର ଏବେ ଏହି ରେକର୍ଡ ନେପାଳ ନାମରେ ରହିଛି ।

ଟି20ରେ ସର୍ବାଧିକ ଦଳୀୟ ସ୍କୋର: ପ୍ରଥମ ଦଳ ଭାବେ ଅନ୍ତର୍ଜାତୀୟ ଟି-20ରେ ନେପାଳ ସର୍ବାଧିକ ଦଳୀୟ ସ୍କୋର କରିବାର ରେକର୍ଡ ସ୍ଥାପନା କରିଛି । ଏହାପୂର୍ବରୁ କୌଣସି ଦଳ ଟି-ଟ୍ବେଣ୍ଟି ଫର୍ମାଟରେ 300ରୁ ଅଧିକ ରନ କରିନଥିଲେ । ମାତ୍ର ମଙ୍ଗୋଲିଆ ବିପକ୍ଷରେ 20 ଓଭରରେ 4ଟି ୱିକେଟ ହରାଇ 314ରନ କରିଥିଲା ଯାହା ଏକ ରେକର୍ଡ । ପୂର୍ବରୁ ଆଫଗାନିସ୍ତାନ ଆୟର୍ଲାଣ୍ଡ ବିପକ୍ଷରେ ସର୍ବାଧିକ 278 ରନ କରି ରେକର୍ଡ କରିଥିଲା ମାତ୍ର ନେପାଳ ଏହି ରେକର୍ଡ ଭାଙ୍ଗି 300ରୁ ଉର୍ଦ୍ଧ୍ବ ରନ କରିଛି । ନେପାଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 20 ଓଭରରେ 314ରନ କରିଥିଲା । ଆଇସିସି ଟି-ଟ୍ବେଣ୍ଟି ମୁକାବିଲାରେ ଏହା ସର୍ବାଧିକ ରନ । ମଙ୍ଗୋଲିଆ ଏହି ମ୍ୟାଚରେ 13.1 ଓଭର ଖେଳି ମାତ୍ର 41 ରନ୍‌ କରି ଅଲ ଆଉଟ ହୋଇଥିଲା । ଫଳରେ ନେପାଳ 278 ରନ୍‌ରେ ବିଜୟ ହାସଲ କରିଥିଲା ।

ଚୀନରେ ଚାଲିଥିବା 19ତମ ଏସୀୟ କ୍ରୀଡ଼ାରେ ଭାରତ ଅକ୍ଟୋବର 3 ତାରିଖରୁ ଅଭିଯାନ ଆରମ୍ଭ କରିବ । ସିଧାସଳଖ କ୍ବାର୍ଟର ଫାଇନାଲ ଖେଳିବ ଭାରତ । ଅକ୍ଟୋବର 7 ତାରିଖରେ ଟାଇଟଲ ଟକ୍କର ହେବ ।