ବାସେଲ: ସ୍ବିସ ଓପନରୁ ବାଦ ପଡିଲେ ଭାରତୀୟ ଷ୍ଟାର ସର୍ଟଲର କିଦାମ୍ବୀ ଶ୍ରୀକାନ୍ତ । ସେମିଫାଇନାଲ ମୁକାବିଲାରେ ବିଶ୍ବ ନମ୍ବର 1 ଭିକ୍ଟର ଆକ୍ସେଲସେନଙ୍କ ଠାରୁ ପରାସ୍ତ ହୋଇଛନ୍ତି ଶ୍ରୀକାନ୍ତ । ଏଥିସହ ଟୁର୍ଣ୍ଣାମେଣ୍ଟରୁ ଅଭିଯାନ ଶେଷ ହୋଇଛି ।
ଫାଇନାଲ ଟିକେଟ ହାସଲ ପାଇଁ 41 ମିନିଟ ଧରି ଖେଳାଯାଇଥିବା ମ୍ୟାଚରେ ଡେନମାର୍କର ଆକ୍ସେଲସେନ 21-13, 21-19 ସିଧାସଳଖ ସେଟ୍ରେ ପରାସ୍ତ ହୋଇଛନ୍ତି । ଶ୍ରୀକାନ୍ତ ସମସ୍ତ ପ୍ରୟାସ ସତ୍ତ୍ବେ ପରାଜୟ ଏଡାଇବାକୁ ସଫଳ ହୋଇନଥିଲେ । ପ୍ରଥମ ସେଟ୍ରେ ପରାଜିତ ପରେ ଦ୍ବିତୀୟ ଗେମ୍ରେ କଡା ଟକ୍କର ଦେଇଥିଲେ । ମାତ୍ର 21-19ରେ ଶେଷରେ ବାଜିମାରିଥିଲେ ଆକ୍ସେଲସେନ ।
ପୂର୍ବରୁ ପିଭି ସିନ୍ଧୁ ଡେନମାର୍କର ମିଆ ବ୍ଳିଚଫେଲଡଟଙ୍କୁ ହରାଇ ସ୍ବିସ ଓପନ ଫାଇନାଲରେ ପ୍ରବେଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
