ମୁମ୍ବାଇ: ସିଙ୍ଗିଙ୍ଗ ରିୟାଲିଟି ଶୋ ‘ଇଣ୍ଡିଆନ ଆଇଡଲ 12’କୁ ନେଇ ଦୀର୍ଘ ସମୟରୁ ଚର୍ଚ୍ଚା । କିଛି ନା କିଛି କାରଣରୁ ଚର୍ଚ୍ଚାରେ ରହୁଥିବା ଏହି ଶୋକୁ ନେଇ ଇତିମଧ୍ୟରେ ସାମ୍ନାକୁ ଆସିଛି ବଡ ଖବର । ଶୋର ଫେମସ ପ୍ରତିଯୋଗୀ ପୱନଦୀପ ରାଜନ ଓ ଅରୁଣିତା କାଞ୍ଜିୱାଲ ନିଜ ଦମଦାର କଣ୍ଠ ଜରିଆରେ ଦର୍ଶକଙ୍କ ମନ କିଣିବାରେ ଲାଗିଛନ୍ତି । ସେହିପରି ଏହି ଦୁଇଜଣଙ୍କୁ ବଡ ବ୍ରେକ ମିଳିଛି ।
- " class="align-text-top noRightClick twitterSection" data="
">
ଆଜ୍ଞା ହଁ, ସଙ୍ଗୀତକାର ତଥା ଶୋର ଜଜ ହିମେଶ ରେଶମିୟା ଦୁଇ ପ୍ରତିଯୋଗୀଙ୍କୁ ନେଇ ବଡ ଘୋଷଣା କରିଛନ୍ତି । ସେ ପୱନଦୀପ ଓ ଅରୁଣିତାଙ୍କୁ ସଙ୍ଗୀତ ଇଣ୍ଡଷ୍ଟ୍ରିରେ ଲଞ୍ଚ କରିବାକୁ ଯାଉଛନ୍ତି । ଯାହାକୁ ନେଇ ଦୁହିଁଙ୍କ ଖୁସି ନକହିଲେ ସରେ ।
ସେହିପରି ଏହାର ସୂଚନା ଇନଷ୍ଟାଗ୍ରାମରେ ହିମେଶ ଦେଇଛନ୍ତି । ଯେଉଁଥିରେ ସେ ନିଜର ଆଗମୀ ମ୍ୟୁଜିକ ଭିଡିଓ ‘ତେରେ ବଗୈର’ ବିଷୟରେ ଜଣାଇଛନ୍ତି । ସେହିପରି କ୍ୟାପସନରେ ଲେଖିଛନ୍ତି, ‘ଖୁବଶୀଘ୍ର ପୱନଦୀପ ଓ ଅରୁଣିତାଙ୍କ ପ୍ରଥମ ଗୀତ ତେରେ ବଗୈର ରିଲିଜ ହେବାକୁ ଯାଉଛି । ଯାହା ମୋର ମ୍ୟୁଜିକ ଆଲବମ୍ । ଆସନ୍ତା 23 ତାରିଖରେ ରିଲିଜ ହେବ । ଯାହାର ଲିରିକ୍ସ ଲେଖିଛନ୍ତି ସମୀର ଅଞ୍ଜାନ । ମୁଡ ଦିୱାନା ହୈ, ଦୟା କରି ଆମକୁ ପ୍ରେମ କର ।’
