ମୁମ୍ବାଇ: କୋରୋନା ଭାଇରସ ମହାମାରୀ ହେତୁ ପୃଥିବୀର ଅନେକ ସ୍ଥାନରେ ଲକଡାଉନ ଚାଲିଛି । ଯେଉଁଥିପାଇଁ ଅନେକ ଲୋକ ବିଭିନ୍ନ ଜାଗାରେ ଅଟକି ରହିଛନ୍ତି । ଏହି ସମୟରେ ଏମିତି ବି ଅନେକ ଲୋକ ଅଛନ୍ତି ଯେଉଁମାନେ ନିଜ ପରିବାରଠାରୁ ଦୂରରେ ଅନ୍ୟ ଦେଶରେ ଅଟକି ରହିଛନ୍ତି ।
ଏହି ସମୟରେ ଅଭିନେତ୍ରୀ ମେଘନା ନାଇଡୁ ଲକଡାଉନ ଯୋଗୁଁ ଦୁବାଇରେ ଅଟକି ରହିଛନ୍ତି । କେବଳ ଏତିକି ନୁହେଁ, ମେଘନା ପୂରା ଗୋଟେ ମାସ ହେଲାଣି ଦୁବାଇରେ ଅଛନ୍ତି ।
ନିକଟରେ ମେଘନା ଦ୍ବିତୀୟ ବିବାହ କରିବାକୁ ଯାଉଥିଲେ । କିନ୍ତୁ ବର୍ତ୍ତମାନ ଏହି ଲକଡାଉନ ହେତୁ ମେଘନାଙ୍କୁ ତାଙ୍କ ବିବାହ ଯୋଜନାକୁ ସ୍ଥଗିତ ରଖିବାକୁ ପଡିଲା ।
ମେଘନା 'କଲିଓ କା ଚମନ' ଗୀତ ସହିତ କିଛି ଚଳଚ୍ଚିତ୍ର ଏବଂ ଟିଭି ଧାରାବାହିକ 'ସସୁରାଲ ସିମର'ରେ ମଧ୍ୟ ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ