ମୁମ୍ବାଇ: ବିଗ ବସ ସିଜନ 13 ବର୍ତ୍ତମାନ ଆହୁରି ରୋମାଞ୍ଚକ ହେବାରେ ଲାଗିଛି । ନିକଟରେ ବିଗ ବସ ହାଉସରେ ହୋଇଥିବା କ୍ୟାପ୍ଟେନ୍ସି ଟାସ୍କ ସମୟରେ ଅନେକ ବିବାଦ ଦେଖିବାକୁ ମିଳିଥିଲା । ଲଢେଇ, ଝଗଡା ଏବଂ ମାରପିଟ ପର୍ଯ୍ୟନ୍ତ ଆସିଯାଇଥିଲେ ପ୍ରତିଯୋଗୀ । ଏବେ ବିଗ ବସ ସିଜନ ହାଉସର ନୂଆ କ୍ୟାପ୍ଟେନ ସାଜିଛନ୍ତି ହିମାଂଶୀ ଖୁରାନା । ତଥାପି ବିଗ ବସ ହାଉସର ଝଗଡା ଏଯାବତ କମିବାର ନାଁ ନେଉନାହିଁ ।
ଇତିମଧ୍ୟରେ ଶନିବାର ରାତିରେ ଦେଖିବାକୁ ମିଳିଛି ସଲମାନ ଖାନଙ୍କ ‘ୱିକେଣ୍ଡ କା ୱାର’ । ଯେଉଁଥିରେ ସେ ବିଗ ବସର ଦମଦାର ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଓ ଅସିମ ରିୟାଜଙ୍କ କ୍ଲାସ ନେଉଥିବାର ନଜର ଆସିବେ ।
ନିକଟରେ କଲର୍ସର ଅଧିକାରୀକ ଇନଷ୍ଟାଗ୍ରାମ ଆକାଉଣ୍ଟରେ ‘ୱିକେଣ୍ଡ କା ୱାର’ର ଏପିସୋଡର ଏକ ଝଲକ ସେୟାର କରାଯାଇଛି । ଯେଉଁଥିରେ ସଲମାନ ପ୍ରତିଯୋଗୀ ଉପରେ ଖୁବ୍ ରାଗୁଥିବାର ନଜର ଆସୁଛନ୍ତି । ଏହି ପ୍ରୋମୋ ଭିଡିଓରେ ସିଦ୍ଧାର୍ଥ ଓ ଅସିମ କାଠଗଡାରେ ଠିଆ ହୋଇଛନ୍ତି । ଅନ୍ୟପଟେ ସଲମାନ ଦୁଇଜଣଙ୍କୁ ପରସ୍ପରର ଭୁଲ ବିଷୟରେ ଜଣାଉଛନ୍ତି ।
ଗୋଟିଏ ସପ୍ତାହରେ ସିଦ୍ଧାର୍ଥ ଓ ଅସିମଙ୍କ ବ୍ୟବହାର ପାଇଁ ଖୁବ୍ ନିରାଶ ଅନୁଭବ କରିଛନ୍ତି ସଲମାନ । ଏହାସହ ସେ ସିଦ୍ଧାର୍ଥକୁ ଗୋଟିଏ ଚ୍ୟାଲେଞ୍ଜ ଦେବା ସହ ଅସିମଙ୍କୁ ସଙ୍ଗେ ସଙ୍ଗେ ବିଗ ବସ ହାଉସରୁ ବାହାରିଯିବାକୁ ମଧ୍ୟ କହୁଛନ୍ତି ସଲମାନ । ଏବେ ପୁରା ଏପିସୋଡ ଅନଏୟାର ହେଲା ପରେ ହିଁ ଜଣାପଡିବ ଯେ ଅସିମ ବିଗ ବସ ହାଉସରୁ ବାହାରୁଛନ୍ତି କି ନାହିଁ ।
