ଭୁବନେଶ୍ବର: ଓଡ଼ିଆ ରୋମାଣ୍ଟିକ ଚଳଚ୍ଚିତ୍ର ‘ତୁ କହିଦେ ଆଇ ଲଭ ୟୁ’ ଖୁବଶ୍ରୀଘ ରିଲିଜ ହେବାକୁ ଯାଉଛି । ଇତିମଧ୍ୟରେ ରିଲିଜ ହୋଇଯାଇଛି ଚଳଚ୍ଚିତ୍ରର ଅଡିଓ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ବି ଏମ ପ୍ରଡକ୍ସନର ପ୍ରଥମ ଚଳଚ୍ଚିତ୍ର ‘ତୁ କହିଦେ ଆଇ ଲଭ ୟୁ’ ଅଡିଓ ସୋମବାର ଭୁବନେଶ୍ବର ସ୍ଥିତ ଏକ ହୋଟେଲରେ ରିଲିଜ କରାଯାଇଛି । ଯାହାର ପ୍ରଯୋଜନା ଦାୟିତ୍ବ ତୁଲାଇଛନ୍ତି ବିକ୍ରମ ମହାପାତ୍ର ଓ ପ୍ରଭାତ ମହାପାତ୍ର । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନେତା ରାକେଶ, ମିହୀର ଦାସ, ଦିବ୍ୟା ପ୍ରୀତିରାଜ, ନମ୍ରତା ଦାସ, ପ୍ରଜ୍ଞା, ଜୀବନ ପଣ୍ଡା ନଜର ଆସିବେ ।
ସେହିପରି ‘ତୁ କହିଦେ ଆଇ ଲଭ ୟୁ’ରେ ସଙ୍ଗୀତ ନିର୍ଦ୍ଦେଶନା ଦୁର୍ଗା ନବ ଓ ସରୋଜ ଦେଇଥିବା ବେଳେ କଣ୍ଠ ଦାନ କରିଛନ୍ତି ହ୍ୟୁମାନ ସାଗର, ବିଷ୍ଣୁ ମୋହନ ଓ ଅନନ୍ୟା । ଏହି ଚଳଚ୍ଚତ୍ରିରେ ନିଆରା ପ୍ରେମ କାହାଣୀକୁ ନେଇ ପର୍ଯ୍ୟବେଶିତ । ନବାଗତ ଯୋଡି ରାକେଶ ଓ ଦିବ୍ୟାଙ୍କ କେମେଷ୍ଟ୍ରି ପ୍ରଥମ ଥର ପରଦାରେ ଦେଖିବେ ଦର୍ଶକ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
