ମୁମ୍ବାଇ: ଗତ ତିନି ମାସରୁ କୋରୋନା ପ୍ରକୋପ ଦେଶରେ ଦେଖିବାକୁ ମିଳୁଛି । ଏହି ସଂକ୍ରମଣରୁ ଦେଶବାସୀଙ୍କୁ ବଞ୍ଚାଇବା ପାଇଁ ସରକାର ପାଖାପାଖି ଦୁଇ ମାସ ଦେଶରେ ଲକଡାଉନ ଘୋଷଣା କରିଥିଲେ । ଯାହାପାଇଁ ମଲ, ଜିମ, ସ୍ବିମିଂ ପୁଲ ସିନେମାହଲ, ବଡ ବଡ କମ୍ପାନୀ ସବୁ ବନ୍ଦ ରଖାଯାଇଥିଲା । ଖାଲି ଏତିକି ନୁହେଁ ଫିଲ୍ମଠୁ ନେଇ ଟିଭି ଧାରାବାହିକର ସୁଟିଂ, ରିଲିଜ ସବୁ କିଛି ସ୍ଥଗିତ ରହିଥିଲା ।
ଏବେ କିଛି ଦିନ ହେବ ଲକଡାଉନରେ କୋହଳ ମିଳିବାରୁ ପୁଣି ଥରେ ଜନଜୀବନ ପୂର୍ବ ଅବସ୍ଥାକୁ ଫେରିବାରେ ଲାଗିଛି । ଧିରେ ଧିରେ କରି ଫିଲ୍ମ, ଧାରାବାହିକ ସୁଟିଂ ଆରମ୍ଭ ହୋଇଯାଇଛି । ହେଲେ ଏଯାବତ ସୁପରଷ୍ଟାର ଶାହରୁଖ ଖାନ ୱାର୍କ ଫର୍ମ ହୋମରେ ଅଛନ୍ତି । ଯାହା ସୋସିଆଲ ମିଡିଆ ପୋଷ୍ଟରୁ ଜଣାପଡୁଛି ।
ଭିଡିଓଟି ଶାହରୁଖଙ୍କ ଫ୍ୟାନପେଜ ଇନଷ୍ଟାଗ୍ରାମରେ ସେୟାର କରାଯାଇଛି । ଯେଉଁଥିରେ ସେ ନିଜ ଘର ବାଲକନିରେ ସୁଟିଂ କରୁଥିବାର ନଜର ଆସୁଛନ୍ତି । ଆଉ ତାଙ୍କ ପାଖରେ ଲାଇଟ୍ସ, କ୍ୟାମେରା ମଧ୍ୟ ସ୍ପଷ୍ଟ ରୂପେ ଦେଖିବାକୁ ମିଳୁଛି । ମିଡିଆ ଫଟୋଗ୍ରାଫର୍ସଙ୍କୁ ଦେଖି ଶାହରୁଖ ପୋଜ ମଧ୍ୟ ଦେଇଥିଲେ । ଦେଖନ୍ତୁ ଭିଡିଓ...
- ଼" class="align-text-top noRightClick twitterSection" data="
଼">
଼
