ନୂଆଦିଲ୍ଲୀ: କୋରୋନା ଭାଇରସ ବଲିଉଡରେ ହଇଚଇ ସୃଷ୍ଟି କରିଦେଇଛି । ଏଥିସହିତ ବଲିଉଡ ତାରକା ମଧ୍ୟ ଏହାର ଶିକାର ହେଉଛନ୍ତି । ଏବେ ସିନେମା ଜଗତରୁ ଆଉ ଏକ ନୈରାଶ୍ୟଜନକ ଖବର ସାମ୍ନାକୁ ଆସିଛି ।
ବଲିଉଡ ଫିଲ୍ମ ‘ଛିଛୋରେ’ ସମେତ ଅନେକ ଫିଲ୍ମରେ ନଜର ଆସିଥିବା ଅଭିନେତ୍ରୀ ଅଭିଳାଷା ପାଟିଲଙ୍କ ମଙ୍ଗଳବାର କରୋନାରେ ମୃତ୍ୟୁ ହୋଇଛି ।
ଅଭିଳାଷାଙ୍କ ମୃତ୍ୟୁ ଖବର ଶୁଣି ଇଣ୍ତଷ୍ଟ୍ରିରେ ଶୋକର ଛାୟା ଖେଳିଯାଇଛି ।
ସୂଚନା ଅନୁଯାୟୀ, ଅଭିଳାଷା ସୁଟିଂ ପାଇଁ ବନାରସ ଯାଇଥିଲେ । ମୁମ୍ବାଇ ଫେରିବା ପରେ ତାଙ୍କର କୋରୋନା ରିପୋର୍ଟ ପଜିଟିଭ ଆସିଥିଲା। ସେ କିଛି ଦିନ ହେଲା ଆଇସିୟୁରେ ଭର୍ତ୍ତି ଥିଲେ।
ପ୍ରକାଶ ଥାଉ ଯେ, ଅଭିଳାଷା ଅନେକ ମରାଠୀ ସିନେମାର ଅଭିନୟ କରିଛନ୍ତି।
