ଭୁବନେଶ୍ବର: ବିବି କ୍ରିଏସନ ବ୍ୟାନର ପ୍ରଥମ ଅବଦାନରେ ନିର୍ମାଣ ହୋଇଛି ଚଳଚ୍ଚିତ୍ର ‘ବିଶ୍ବରୂପ’ । ଯାହର ଅଡିଓ ରିଲିଜ ବୁଧବାର ଭୁବନେଶ୍ବର ସ୍ଥିତ ଏକ ହୋଟେଲରେ ହୋଇଯାଇଛି । ମୋଟ 5 ଟି ଗୀତକୁ ନେଇ ରିଲିଜ ହୋଇଛି ଫିଲ୍ମ ବିଶ୍ବରୁପର ଅଡିଓ । ସେହିପରି ସାତରଙ୍ଗୀ ଚଢେଇ ତୁ ଆସିଲୁ ଜୀବନେ ରୋମାଣ୍ଟିକ ଟ୍ରାକ ନିଶ୍ଚିତ ରୁପେ ହିଟ ହେବ ବୋଲି କହିଛନ୍ତି ସଙ୍ଗୀତ ନିର୍ଦ୍ଦେଶକ ।
ଏହି ଦମଦାର ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ବିଶ୍ଵରୂପ ଓ ଅଭିନେତ୍ରୀ ଅମୃତା । ଅନ୍ୟପଟେ ଚଳଚ୍ଚିତ୍ରର ପ୍ରଯୋଜନା ବିଶ୍ଵଜିତ ମିଶ୍ର କରିଥିବା ବେଳେ ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ସରୋଜ କାନ୍ତ ।
ଚଳଚ୍ଚିତ୍ରରେ ମ୍ୟୁଜିର ତଡକା ଲାଗାଇଛନ୍ତି ବିଭୁତି ଭୂଷଣ ଗଡ଼ନାୟକ । ସେହିପରି ଏହାର ଲିରିକ୍ସ ଲେଖିଛନ୍ତି ପଞ୍ଚାନନ ନାୟକ,ବପୁ ଗୋସ୍ବାମୀ ଓ ବିଭୁତି । କଣ୍ଠଦାନ କରିଛନ୍ତି ଦୀପ୍ତି ରେଖା, ବିଷ୍ଣୁ ମୋହନ କବି , ସ୍ବୟଂ ପାଢ଼ୀ, ଅନୁରାଗ, ସତ୍ୟଜିତ, ଅର୍ପିତା ଓ ସୋହାନି ମିଶ୍ର,। ଚଳଚ୍ଚିତ୍ରର ଗୀତ ସବୁଠାରୁ ଭିନ୍ନ ଆଉ ଲୋକଙ୍କ ମନ ମୋହିବ ବୋଲି କହିଛନ୍ତି ବିଭୁତି କହିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତ ରାୟ, ଇଟିଭି ଭାରତ
