ହାଇଦ୍ରାବାଦ: ବଲିଉଡ ଅଭିନେତା ହ୍ରିତିକ ରୋଶନଙ୍କ ଲଭ ଲାଇଫ୍ ଏବେ ଚର୍ଚ୍ଚାରେ। ଗତକାଲି ରାତିରେ ହ୍ରିତିକ ରୋଶନ ଅଭିନେତ୍ରୀ ସବା ଆଜାଦଙ୍କ ସହ ପୁଣି ଥରେ ନଜର ଆସିଛନ୍ତି । ଦୁହେଁ ଡିନର କରିବାକୁ ଯାଇଥିଲେ । କାଫେରୁ ବାହାରକୁ ବାହାରୁଥିବାବେଳେ ହ୍ରିତିକ ଏବଂ ସବାଙ୍କୁ ଏକାଠି ଦେଖିବାକୁ ମିଳିଥିଲା ।
- " class="align-text-top noRightClick twitterSection" data="
">
ହ୍ରିତିକ ଏବଂ ସବା କାଫେରୁ ବାହାରିବା ମାତ୍ରେ ପାପାରାଜି ଉଭୟଙ୍କୁ ନିଜ କ୍ୟାମେରାରେ କଏଦ କରିଥିଲେ । କ୍ୟାମେରା ଲେନ୍ସରୁ ବଞ୍ଚିବା ପାଇଁ ଉଭୟେ ବହୁତ ଚେଷ୍ଟା କରିଥିଲେ, ମାତ୍ର ତାହା ସମ୍ଭବ ହୋଇପାରିନଥିଲା। କ୍ୟାମେରାକୁ ଦେଖିବା ମାତ୍ରେ ସବା ନିଜ କେଶରେ ମୁହଁ ଲୁଚାଇଦେଇଥିଲେ । ଏହି ସମୟରେ ହ୍ରିତିକ ମୁଣ୍ଡରେ ପିନ୍ଧିଥିବେ ଟୋପି ସାହାଯ୍ୟରେ ମୁହଁ ଲୁଚାଇଥିବାର ନଜର ଆସିଥିଲେ ।
ହ୍ରିତିକଙ୍କୁ ଏକ ନୀଳ ଏବଂ ଧଳା ଚେକ ସାର୍ଟ, ଧଳା ଟି-ସାର୍ଟ, ବେଜ ରଙ୍ଗର ପ୍ୟାଣ୍ଟ ଏବଂ ଜୋତାରେ ଦେଖିବାକୁ ମିଳିଥିଲା । ଅନ୍ୟ ପଟେ ସବାଙ୍କୁ ହଳଦିଆ ରଙ୍ଗର ଟପ ଏବଂ ହାଲୁକା ନୀଳ ରଙ୍ଗର ଡେନିମରେ ଦେଖିବାକୁ ମିଳିଥିଲା । ରେସ୍ତୋରାଁ ଭିତରୁ ମଧ୍ୟ ହ୍ରିତିକ ଏବଂ ସବାଙ୍କ ଫଟୋ ସାମ୍ନାକୁ ଆସିଛି । ଏହି ଫଟୋରେ ସବା ଏବଂ ହ୍ରିତିକ୍ ମୁହାଁମୁହିଁ ବସିଛନ୍ତି ଏବଂ ମେନୁ ପଢିଛନ୍ତି । ଏହି ଫଟୋ ହ୍ରିତିକ ଏବଂ ସବାଙ୍କ ରିଲେସନ ପୁଣି ଥରେ ଚର୍ଚ୍ଚାକୁ ଆଣିଛି । ଉଭୟଙ୍କ ଫଟୋ ପୁଣି ଥରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ହ୍ରିତିକ ରୋଶନ ଏବଂ ସବାଙ୍କୁ ଦ୍ବିତୀୟ ଥର ଦେଖିବାକୁ ମିଳିଥିଲା । କିଛି ଫଟୋରେ ହ୍ରିତିକ ମଧ୍ୟ ସବା ଆଜାଦଙ୍କ ହାତ ଧରିଥିବାର ନଜର ଆସିଥିଲେ। ହ୍ରିତିକ ଏବଂ ସବାଙ୍କୁ ଏକାଠି ଦେଖିବା ଦିନଠାରୁ, ସେମାନଙ୍କର ଡେଟିଂ ଖବର ସାଧାରଣ ହୋଇଗଲାଣି । ତେବେ, ଘଟଣାରେ କେତେ ସତ୍ୟତା ଅଛି, ତାହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ । ଡେଟିଂ କଳ୍ପନାକୁ ନେଇ ହ୍ରିତିକ କିମ୍ବା ସବାଙ୍କ କୌଣସି ପ୍ରତିକ୍ରିୟା ଏଯାଏ ସାମ୍ନାକୁ ଆସିନାହିଁ।
ବ୍ୟୁରୋ ରିପୋର୍ଟ, ଇଟିଭି ଭାରତ
