ମୁମ୍ବାଇ: ବର୍ତ୍ତମାନ ନିଜ ଆଗାମୀ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ ପ୍ରମୋଶନରେ ଖୁବ୍ ବ୍ୟସ୍ତ ହ୍ୟାଣ୍ଡସମ ବରୁଣ ଧୱନ । ଫିଲ୍ମରେ ତାଙ୍କ ସହ ଶ୍ରଦ୍ଧା କପୁରଙ୍କ ଜବରଦସ୍ତ ଡାନ୍ସ ଦେଖିବାକୁ ମିଳିବ । ଏମାସ 24ରେ ରିଲିଜ ହେବାକୁ ଯାଉଛି ଏହି ଚର୍ଚ୍ଚିତ ଫିଲ୍ମ । ଇତିମଧ୍ୟରେ ତାଙ୍କ ଆଉ ଏକ ଫିଲ୍ମର ଘୋଷଣା କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି ତାଙ୍କ ଆଗାମୀ ମେକର୍ସ । ବରୁଣ ଖୁବଶୀଘ୍ର କମେଡି ଡ୍ରାମା ଫିଲ୍ମ ‘ମିଷ୍ଟର ଲେଲେ’ରେ ନଜର ଆସିବେ । ‘ବଦ୍ରୀନାଥ କି ଦୁଲହନିୟା’ ନିର୍ମାଣ କରିସାରିଥିବା ନିର୍ଦ୍ଦେଶକ ଶଶାଙ୍କ ଖୈତାନ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବେ ।
ଫିଲ୍ମର ନୂଆ ପୋଷ୍ଟର ସହ ରିଲିଜ ତାରିଖ ମଧ୍ୟ ଘୋଷଣା ହୋଇଯାଇଛି । ପୋଷ୍ଟରେ ବରୁଣ ନିଜ ହାତରେ ବନ୍ଧୁକ ଧରିବା ସହ ଅଣ୍ଡରୱିୟର ପିନ୍ଧିଥିବାର ନଜର ଆସୁଛନ୍ତି । ଶଶାଙ୍କ ଟ୍ବିଟରେ ପୋଷ୍ଟର ଜାରି କରି ଦର୍ଶକଙ୍କୁ ସରପ୍ରାଇଜ ଦେଇଛନ୍ତି ।
ସେହିପରି ବରୁଣ ମଧ୍ୟ ପୋଷ୍ଟର ଟ୍ବିଟରରେ ସେୟାର କରି କ୍ୟାପସନରେ ଲେଖିଛନ୍ତି, ‘ମିଷ୍ଟର ଲେଲେ ମଜା ଲେଲେ । କରନ ଜୋହର ମତେ କ୍ଷମା କରିଦିଏ । ଶଶାଙ୍କ ଖୈତାନ ଚାଲନ୍ତୁ ଘରକୁ ଯିବା ।’ କରନ ମଧ୍ୟ ପୋଷ୍ଟର ସେୟାର କରିଛନ୍ତି । କରନଙ୍କ ପ୍ରଡକ୍ସନ ହାଉସ ଧର୍ମା ଏହି ଫିଲ୍ମର ପ୍ରଯୋଜନା କରିବ । ଫିଲ୍ମକୁ ଆସନ୍ତା ବର୍ଷ ଜାନୁଆରୀ 1ରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ ।
