ମୁମ୍ବାଇ: ହ୍ୟାଣ୍ଡସମ ବରୁଣ ଧୱନ ଆଜିକାଲି ନିଜର ଆଗାମୀ ଫିଲ୍ମକୁ ନେଇ ଖୁବ୍ ବ୍ୟସ୍ତ । ନିକଟରେ ସେ ‘ଷ୍ଟ୍ରିଟ ଡାନ୍ସର 3ଡି’ର ସୁଟିଂ ଶେଷ କରିଥିବା ବେଳେ ଏବେ ସେ ‘କୁଲି ନଂ-1’ ରିମେକ ଫିଲ୍ମର ସୁଟିଂରେ ଲାଗିପଡିଛନ୍ତି । ଆଉ ଯେତେବେଳେ ମଧ୍ୟ ସମୟ ପାଇଛନ୍ତି ସେ ନିଜ ଝିଆରିଙ୍କ ସହ ମସ୍ତି କରୁଥିବାର ନଜର ଆସୁଛନ୍ତି । ଇତିମଧ୍ୟରେ ସେ ଝିଆରିଙ୍କ ସହ ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ସେ ବଡ ଭାଇ ରୋହିତ ଧୱନଙ୍କ ଝିଅ ତଥା ଝିଆରିଙ୍କୁ କାନ୍ଧରେ ବସାଇ ନାଚୁଛନ୍ତି ।
- " class="align-text-top noRightClick twitterSection" data="
">
ସବୁଠାରୁ ମଜାଦାର କଥା ହେଲା କି ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ଅଭିନେତା ଅର୍ଜୁନ କପୁର ବରୁଣଙ୍କ ଭିଡିଓ ଦେଖି ନିଜକୁ ଆଉ ରୋକିପାରିଲେ ନାହିଁ । ଆଉ ସଙ୍ଗେ ସଙ୍ଗେ କମେଣ୍ଟ କରିବାରେ କରି ଲେଖିଛନ୍ତି, ‘ଚାଚୁ ନଂ-1’ ।
ସେହିପରି ବରୁଣ ମଧ୍ୟ ଅର୍ଜୁନଙ୍କ କମେଣ୍ଟରେ ଲେଖିଛନ୍ତି, ‘କିଛି ଲେଖନି ରୋହିତ ମତେ ଅନେକ ଦିନ ପରେ କିଛି ପୋଷ୍ଟ କରିବାକୁ ଅନୁମତି ଦେଇଛନ୍ତି ।’ ଲାଗୁଛି ଯେ ରୋହିତ ପ୍ରଥମଥର ବରୁଣଙ୍କୁ ଝିଆରି ସହ କିଛି ପୋଷ୍ଟ କରିବାକୁ ଅନୁମତି ଦେଇଛନ୍ତି । ବର୍ତ୍ତମାନ ତାଙ୍କର ଏହି ଭିଡିଓଟି ଭାଇରାଲ ହେଉଛି । ଏହାସହ ଫ୍ୟାନ୍ସ ମଧ୍ୟ ଖୁବ୍ କମେଣ୍ଟ କରିବାରେ ଲାଗିଛନ୍ତି ।
ପ୍ରକାଶ ଥାଉକି ବରୁଣଙ୍କ ସହ ‘କୁଲି ନଂ-1’ ରିମେକ ଫିଲ୍ମରେ ବିନ୍ଦାସ ଅଭିନେତ୍ରୀ ସାରା ଅଲ୍ଲୀ ଖାନ ନଜର ଆସିବେ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ବରୁଣଙ୍କ ପିତା ତଥା ନିର୍ମାତା ଡେଭିଡ ଧୱନ ।
