ମୁମ୍ବାଇ: କୋରୋନା କାଳରେ ଅନେକ ସେଲିବ୍ରିଟି ଦେଶବାସୀଙ୍କ ସେବା କରିବାରେ ଲାଗିଛନ୍ତି । ଦାନ ଦେବାଠୁ ନେଇ ଲୋକଙ୍କ ଖାଇବା ପିଇବା ପର୍ଯ୍ୟନ୍ତ ସବୁ ବ୍ୟବସ୍ଥା କରୁଛନ୍ତି ଷ୍ଟାର୍ସ । ସେପଟେ ଅନେକ ସେଲିବ୍ରିଟି ଏଯାବତ କୋରୋନା ସଂକ୍ରମିତ ହୋଇସାରିଲେଣି । ହେଲେ କୋରୋନା ପରେ ମଧ୍ୟ ସେମାନେ ଦେଶବାସୀଙ୍କ ସେବା କରିବାକୁ ସାମ୍ନାକୁ ଆସିଛନ୍ତି । ଏହି କ୍ରମରେ ସାମିଲ ଅଛନ୍ତି ପପୁଲାର ଆକ୍ଟର ଗୁରମିତ ଚୌଧୁରୀ ଓ ତାଙ୍କ ପତ୍ନୀ ତଥା ଅଭିନେତ୍ରୀ ଦେବିନା ବାନାର୍ଜୀ । ନିକଟରେ ଏହି ଯୋଡି କୋରୋନା ପଜିଟିଭି ବାହାରିଥିଲେ । ସୁସ୍ଥ ହେବା ପରେ ଦୁଇଜଣ ଏମିତି କାମ କରିଛନ୍ତି, ଯାହାର ପ୍ରଶଂସା କରିବାରେ ଲାଗିଛନ୍ତି ଫ୍ୟାନ୍ସ ।
ଅନ୍ୟ ସଂକ୍ରମିତ ଲୋକଙ୍କୁ ସାହାଯ୍ୟ କରିବା ପାଇଁ ଦେବିନା ଓ ଗୁରମିତ ମୁମ୍ବାଇର ଏକ ହସ୍ପିଟାଲରେ ନିଜର ପ୍ଲାଜମା ଦାନ କରିଛନ୍ତି । ଏହି ସମୟରେ ଗୁରମିତ ଇନଷ୍ଟାଗ୍ରାମରେ କିଛି ଫଟୋ ସେୟାର କରି ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ।
- " class="align-text-top noRightClick twitterSection" data="
">
ଏହାସହ ସେ ଜଣାଇଛନ୍ତି ଯେ ନାୟର ହସ୍ପିଟାଲରେ ସେ ପ୍ଲାଜମା ଦାନ କରିଛନ୍ତି । ସେହିପରି ପୋଷ୍ଟର କ୍ୟାପସନରେ ଲେଖିଛନ୍ତି, ‘ମୁଁ କୋଭିଡ-19 ରୋଗୀଙ୍କ ପାଇଁ ପ୍ଲାଜମା ଦାନ କରିଛି । ଏ ହେଉଛି ଡାକ୍ତର ରମେଶ ନାୟର ହସ୍ପିଟାଲ । ଡାକ୍ତର ଗୌତମ ଭାନଶାଲୀଙ୍କୁ ଧନ୍ୟବାଦ । ଯାହାଙ୍କ ପାଇଁ ଏ ସବୁ କିଛି ସମ୍ଭବ ହୋଇପାରିଲା ।’
- " class="align-text-top noRightClick twitterSection" data="
">
ସେପଟେ ଦେବିନାଙ୍କ ସହ ଗୁରମିତ ନିଜର ଏକ ଫଟୋ ପୋଷ୍ଟ କରି ଲେଖିଛନ୍ତି, ‘ଆବଶ୍ୟକତାର ଏହି ସମୟରେ ମୁଁ ସମସ୍ତଙ୍କୁ ନିବେଦନ କରୁଛି ଯେ ପ୍ଲାଜମା ଦାନ କରନ୍ତୁ | ଯଦି ତୁମେ ଭଲ ଅଛ, ଅନ୍ୟମାନଙ୍କୁ ସାହାଯ୍ୟ କର ।’
