ମୁମ୍ବାଇ: ଆକ୍ସନ ହିରୋ ଟାଇଗର ଶ୍ରଫଙ୍କ ଆଗାମୀ ଚର୍ଚ୍ଚିତ ଫିଲ୍ମ ‘ବାଗି 3’ ଦେଖିବାକୁ ଦୀର୍ଘ ସମୟରୁ ବ୍ୟାକୁଳ ଦର୍ଶକ । ଫିଲ୍ମର ଫାଷ୍ଟଲୁକ ନିକଟରେ ଜାରି କରାଯାଇଥିଲା । ଆଉ ଏବେ ଜାରି ହୋଇଯାଇଛି ଫିଲ୍ମର ଦମଦାର ଟ୍ରେଲର। ଟ୍ରେଲରରେ ଟାଇଗର ଶାନଦାର ଆକ୍ସନ କରୁଥିବାର ନଜର ଆସୁଛନ୍ତି । ଫିଲ୍ମରେ ଦେଶର ଶତ୍ରୁ ଓ ନିଜ ଭାଇ ପାଇଁ ଲଢୁଥିବାର ନଜର ଆସିଛନ୍ତି ଟାଇଗର।
ଫିଲ୍ମରେ ଟାଇଗରଙ୍କ ବଡ ଭାଇ ଭୂମିକାରେ ଅଭିନୟ କରୁଛନ୍ତି ଫେମସ ଅଭିନେତା ରିତେଶ ଦେଶମୁଖ । ଫିଲ୍ମରେ ସେ ପୋଲିସ ଅଫିସ ସାଜିଛନ୍ତି । ଯିଏ କୌଣସି ଏକ ମାମଲାରେ ସାକ୍ଷୀ ଖୋଜିବାକୁ ଦେଶ ବାହାରକୁ ଯାଇଛନ୍ତି । ହେଲେ ବିଦେଶରେ ତାଙ୍କ ସହ କିଛି ଏମିତି ହେଉଛି, ଯାହାକୁ ନେଇ କ୍ରୋଧିତ ହୋଇଯାଇଛନ୍ତି ଟାଇଗର । ନିଜ ଭାଇ ଓ ଦେଶକୁ ବଞ୍ଚାଇବା ପାଇଁ ଟାଇଗର ପହଞ୍ଚିଯାଇଛନ୍ତି ବିଦେଶରେ । ଏହାପରେ ଟାଇଗରଙ୍କ ଦମଦାର ଆକ୍ସନ ଦେଖିବାକୁ ମିଳୁଛି । ଟ୍ରେଲରରେ ଏପରି କାହାଣୀ ପର୍ଯ୍ୟବେଶିତ ହୋଇଛି ।
ସେହିପରି ଫିଲ୍ମରେ ଟାଇଗରଙ୍କ ସହ ପୁଣିଥରେ ରୋମାନ୍ସ କରୁଥିବାର ଦେଖାଯିବେ ଶ୍ରଦ୍ଧା କପୁର । ଟ୍ରେଲର ରିଲିଜ ପୂର୍ବରୁ ଟାଇଗର ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ସେୟାର କରି କ୍ୟାପସନରେ ଲେଖିଛନ୍ତି, ‘ଆପଣଙ୍କ ସବୁଠାରୁ ଶକ୍ତିଶାଳୀ ଶତ୍ରୁ ବିରୋଧରେ, ତାର ସବୁଠାରୁ ବଡ ଯୁଦ୍ଧ, ଗୋଟିଏ ଦେଶ ବିରୋଧରେ, ରୋନି ଫେରିଆସିଛନ୍ତି । 6 ତାରିଖରେ ରିଲିଜ ହେବ ।’
ଫିଲ୍ମରେ ବିଜୟ, ଅଙ୍କିତା ଲୋଖଣ୍ଡେ, ଦିଶା ପଟାନୀ, ଜ୍ୟାକି ଶ୍ରଫ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଅହମ୍ମଦ ଖାନ । ସେହିପରି ଫିଲ୍ମ ସାଜିଦ ନାଦିୟାଦୱାଲଙ୍କ ଦ୍ବାରା ପ୍ରଯୋଜିତ । ଫିଲ୍ମଟି ‘ବାଗି 2’ର ସିକ୍ବେଲ ଫିଲ୍ମ । ଯାହା ଆସନ୍ତା ମାସ 6 ତାରିଖରେ ରିଲିଜ ହେବାକୁ ଯାଉଛି ।
