ମୁମ୍ବାଇ: ଗ୍ଲୋବାଲ ଅଭିନେତ୍ରୀ ପ୍ରିୟଙ୍କା ଚୋପ୍ରା ଓ ନିର୍ମାତା, ଲେଖକ ଏବଂ ଅଭିନେତା ଫରହାନ ଅଖତରଙ୍କ ଆଗାମୀ ଫିଲ୍ମ ‘ଦ ସ୍କାଇ ଇଜ ପିଙ୍କ’ ଅକ୍ଟୋବର 11ରେ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ତେବେ ଏହା ପୂର୍ବରୁ ଟୋରାଣ୍ଟୋ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ରଖାଯାଇଛି ଏହାର ପ୍ରିମିୟର ।
ନିର୍ଦ୍ଦେଶକ ସୋନାଲୀ ବୋଷଙ୍କ ନିର୍ଦ୍ଦେଶିତ ଏହି ଫିଲ୍ମଟିର ପ୍ରିମିୟର ଟୋରାଣ୍ଟୋ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଆସନ୍ତା 13ରେ ରଖାଯାଇଛି । ଯାହାକୁ ନେଇ ଉତ୍ସାହିତ ଷ୍ଟାରକାଷ୍ଟ । ଇତିମଧ୍ୟରେ ‘ଦ ସ୍କାଇ ଇଜ ପିଙ୍କ’ର ଫାଷ୍ଟ ଲୁକ ପୋଷ୍ଟର ଜାରି ହୋଇଯାଇଛି। ଏହାସହ ଫିଲ୍ମର ଟ୍ରେଲର ଆସନ୍ତା କାଲି ରିଲିଜ ହେବା ନେଇ ଜଣାଇ ଦିଆଯାଇଛି।
ଏହି ଅବସରରେ ପିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ପୋଷ୍ଟର ସେୟାର କରି ଲେଖିଛନ୍ତି, ‘ପ୍ରିୟଙ୍କା, ଫରହାନ, ଜାୟରା ୱାସମୀ ଓ ରୋହିତ ସରାଫଙ୍କ ଫାଷ୍ଟ ଲୁକ ପୋଷ୍ଟର ଏବଂ ଆସନ୍ତା କାଲି ଆସିବ ଟ୍ରେଲର। ’ ପ୍ରକାଶ ଥାଉକି ‘ଦ ସ୍କାଇ ଇଜ ପିଙ୍କ’ ଜରିଆରେ ପ୍ରିୟଙ୍କା ଦୀର୍ଘ ସମୟ ପରେ ବଲିଉଡକୁ କମବ୍ୟାକ କରିବାକୁ ଯାଉଛନ୍ତି ।
