ମୁମ୍ବାଇ: ଲକଡାଉନରେ ଚୁଲବୁଲି ଅଭିନେତ୍ରୀ ତାପସୀ ପନ୍ନୁଙ୍କୁ ମନେ ପଡିଯାଉଛି ପୁରୁଣା କଥା । ଆଉ ସେ ପ୍ରାୟତଃ ସୋସିଆଲ ମିଡିଆରେ ନିଜ ପୁରୁଣା ଫିଲ୍ମ ସେଟରୁ ଥ୍ରୋବ୍ୟାକ ଫଟୋ ସେୟାର କରି ଫ୍ୟାନ୍ସଙ୍କୁ ଖୁସି କରି ଦେଇଛନ୍ତି । ଏହା ସହ ନିଜ ଅନୁଭୂତିର କାହାଣୀ ମଧ୍ୟ ସେୟାର କରୁଛନ୍ତି । ଏଥର ମଧ୍ୟ ତାଙ୍କ ସୋସିଆଲ ମିଡିଆରେ ଏମିତି କିଛି ଦେଖିବାକୁ ମିଳୁଛି । ଏବେ ସେ ପୁରୁଣା ଫଟୋ ସେୟାର କରି ଚର୍ଚ୍ଚାରେ ।
ତାପସୀ ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ନିର୍ଦ୍ଦେଶକ ସୁଜୟ ଘୋଷଙ୍କ ସହ ନଜର ଆସୁଛନ୍ତି । ଫଟୋଟି ସେହି ସମୟର ଯେବେ ଫିଲ୍ମ ‘ବଦଲା’ ଅଫର ନେଇ ତାପସୀଙ୍କୁ ପାଖରେ ପହଞ୍ଚିଥିଲେ ସୁଜୟ । ଆଉ ତାପସୀ କ୍ୟାପସନରେ ଜଣାଇଛନ୍ତି ଯେ ଯେବେ ଆମେ ପ୍ରଥମଥର ଦେଖା ହୋଇଥିଲୁ ତେବେ ଭାବିନଥିଲୁ ଯେ ‘ବଦଲା’ ଫିଲ୍ମରେ ଏକାଠି କାମ କରିବୁ । ହେଲେ ଏହା ସତ ସାବ୍ୟସ୍ତ ହୋଇଛି ।
