ମୁମ୍ବାଇ: ଶୁକ୍ରବାର ରିଲିଜ ହୋଇଯାଇଛି ସଲମାନ ଖାନଙ୍କ ଚର୍ଚ୍ଚିତ ଫିଲ୍ମ ‘ରାଧେ’ । ଫିଲ୍ମ ଦେଖିବାକୁ ଦୀର୍ଘ ସମୟରୁ ଅପେକ୍ଷା କରିଥିଲେ ଦର୍ଶକ । ସେପଟେ କୋରୋନା ସଙ୍କଟ ପାଇଁ ଓଟିଟି ପ୍ଲାଟଫର୍ମ ଜି 5ରେ ପେ-ପର-ଭ୍ୟୁ ସର୍ଭିସ ଜି ପ୍ଲେକ୍ସ ଓ ପ୍ରମୁଖ ଡିଟିଏଚ ଅପରେଟରରେ ରିଲିଜ କରାଯାଇଛି । ସେହିପରି ଅନ୍ତର୍ଜାତୀୟ ସିନେମାହଲରେ ମଧ୍ୟ ରିଲିଜ ହୋଇଛି ଫିଲ୍ମ। ଯାହାକୁ ଦର୍ଶକଙ୍କ ଜବରଦସ୍ତ ପ୍ରତିକ୍ରିୟା ମିଳିବାରେ ଲାଗିଛି ।
ବିଦେଶରେ ସିନେମାରେ ଫିଲ୍ମକୁ ପ୍ରଶଂସା କରୁଥିବା ଉତ୍ସାହୀ ପ୍ରଶଂସକଙ୍କ ଠାରୁ ଆରମ୍ଭ କରି ଷ୍ଟ୍ରିମିଂ ପ୍ଲାଟଫର୍ମରେ ବହୁ ବୁକିଂ ପର୍ଯ୍ୟନ୍ତ ସୁପରଷ୍ଟାର ପ୍ରଶଂସକ ରିଲିଜ ହେବାର ଖୁବଶୀଘ୍ର ଫିଲ୍ମ ଦେଖିବା ଆରମ୍ଭ କରିଥିଲେ ।
- " class="align-text-top noRightClick twitterSection" data="
">
ଯାହାଦ୍ବାରା ଫିଲ୍ମ ବର୍ତ୍ତମାନ ଅନେକ ରେକର୍ଡ ଭାଙ୍ଗିବା ସହ ନୂଆ ରେକର୍ଡ ନିଜ ନାଁରେ କରିବାରେ ସଫଳ ହୋଇଛି । ରିଲିଜ ଦିନରେ ସର୍ବାଧିକ ଦେଖାଯାଇଥିବା ଫିଲ୍ମ ସାଜିଛି ‘ରାଧେ’ । କେବଳ ଏତିକି ନୁହେଁ, ବହୁ ସଂଖ୍ୟକ ଲଗ-ଇନ୍ ଯୋଗୁଁ ସର୍ଭର ମଧ୍ୟ ଡାଉନ ହୋଇଯାଇଥିଲା । ଯାହାଦ୍ବାରା ସାବ୍ୟସ୍ତ ହୋଇଛି ଯେ ଭାଇଜାନଙ୍କ ଏହି ଫିଲ୍ମଟି ଇଦର ବ୍ଲକବଷ୍ଟର ଫିଲ୍ମ ସାଜିଛି ।
ସେପଟେ ସଲମାନ ଏହାର ସୂଚନା ଦେଇ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ସେ ଇନଷ୍ଟାଗ୍ରାମରେ ଏକ ପୋଷ୍ଟର ସେୟାର କରି ଲେଖିଛନ୍ତି, ‘ସମସ୍ତଙ୍କୁ ଶୁଭ ଇଦ। ପ୍ରଥମ ଦିନରେ ରାଧେକୁ ସର୍ବାଧିକ ଦେଖାଯାଇଥିବା ଫିଲ୍ମ ସାବ୍ୟସ୍ତ କରି ମହାନ ରିଟର୍ନ ଉପହାର ପାଇଁ ସମସ୍ତଙ୍କୁ ଧନ୍ୟବାଦ । ଫିଲ୍ମ ଇଣ୍ଡଷ୍ଟ୍ରି ତୁମର ପ୍ରେମ ବିନା ରହିପାରିବନାହିଁ | ଧନ୍ୟବାଦ।’ ପ୍ରକାଶ ଥାଉକି ଏଯାବତ ଫିଲ୍ମକୁ 4.2 ମିଲିୟନ ଦର୍ଶକ ଦେଖିସାରିଲେଣି । ଯାହା ଏକ ବଡ ରେକର୍ଡ ।
