ମୁମ୍ବାଇ: ଚଳଚ୍ଚିତ୍ର ନିର୍ମାତା ଶେଖର କପୁର ଚାହୁଁଛନ୍ତି ଯେ, ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କୁ (କପୁର) ତାଙ୍କ କାର୍ଯ୍ୟ ମାଧ୍ୟମରେ ସବୁଦିନ ପାଇଁ ସ୍ମରଣ କରିବେ । ସେହି କାର୍ଯ୍ୟ ମାଧ୍ୟମରେ, ଯାହାକୁ କପୁର ସର୍ବଦା ଅତ୍ୟନ୍ତ ସ୍ୱତନ୍ତ୍ର ବୋଲି ବିବେଚନା କରନ୍ତି ।
କପୁର ଆଶା କରିଛନ୍ତି ଯେ ଦିନେ ତାଙ୍କର ଚଳଚ୍ଚିତ୍ର 'ପାନି' ନିର୍ମିତ ହେବ ଏବଂ ସେ ସୁଶାନ୍ତଙ୍କ ସ୍ମୃତିରେ ଏହି ଫିଲ୍ମକୁ ସର୍ମପିତ କରିବାକୁ ଚାହାଁନ୍ତି ।
'ପାନି'ରେ ମୁଖ୍ୟ ଭୂମିକା ପାଇଁ ଶେଖର ସୁଶାନ୍ତଙ୍କୁ ସାଇନ କରିଥିଲେ ।
ବୁଧବାର ଶେଖର ଟୁଇଟ୍ କରି କହିଛନ୍ତି, ଭଗବାନଙ୍କ ଆର୍ଶୀବାଦରୁ ଦିନେ ନା ଦିନେ ଫିଲ୍ମ ପାନି ନିର୍ମାଣ ହେବ । ଯଦି ଏହି ଫିଲ୍ମ ନିର୍ମାଣ ହୁଏ ତେବେ ଏହି ଫିଲ୍ମକୁ ସୁଶାନ୍ତଙ୍କୁ ସର୍ମପିତ କରାଯିବ । କିନ୍ତୁ ଏହି ଚଳଚ୍ଚିତ୍ରରେ ଭାଗ ନେଉଥିବା କଳାକାରମାନେ ଅହଂକାର ସହିତ ନୁହେଁ ମାନବିକତା ସହିତ ଚାଲିବେ ।
ପ୍ରକାଶ ଥାଉ କି, ଗତ ମାସରେ ଜୁନ୍ 14 ରେ ମୁମ୍ବାଇର ନିଜ ବାସଭବନରେ ଫାଶୀ ଲଗାଇ ଏହି ସୁଶାନ୍ତ ଆତ୍ମହତ୍ୟା କରିଥିଲେ । ଏହି ମୃତ୍ୟୁ ଘଟଣାର ମୁମ୍ବାଇ ପୋଲିସ ତଦନ୍ତ ଜାରି ରଖିଛି ।
