ମୁମ୍ବାଇ: ପ୍ରଥମଥର କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ଓ ସାରା ଅଲ୍ଲୀ ଖାନ ପରଦାରେ ରୋମାନ୍ସ କରୁଥିବାର ଦେଖାଯିବେ । ଏହି ଯୋଡି ଫେମସ ନିର୍ମାତା ଇମତିଆଜ ଅଲ୍ଲୀଙ୍କ ଆଗାମୀ ରୋମାଣ୍ଟିକ ଫିଲ୍ମ ‘ଲଭ ଆଜକଲ’ରେ ନଜର ଆସିବାକୁ ଯାଉଛନ୍ତି । ଯାହାର ପ୍ରମୋଶନରେ ବର୍ତ୍ତମାନ ବ୍ୟସ୍ତ ସାରା ଓ କାର୍ତ୍ତିକ । ଫିଲ୍ମ ପ୍ରମୋଶନ ପାଇଁ ଏବେ ଅହମ୍ମଦାବାଦରେ ଏହି ଯୋଡି । ଫ୍ୟାନ୍ସଙ୍କ ସାମ୍ନାରେ ଖୁବ୍ ଡାନ୍ସ କରିବା ସହ ମସ୍ତି କରୁଥିବାର ନଜର ଆସିଛନ୍ତି ‘ଲଭ ଆଜକଲ’ ଯୋଡି ।
- " class="align-text-top noRightClick twitterSection" data="
">
ହେଲେ ସବୁଠାରୁ ମଜାଦାର କଥା ହେଲା ଯେ ଫ୍ୟାନ୍ସଙ୍କ ତାଳି ସେହି ସମୟରେ ଅଧିକ ଶୁଣିବାକୁ ମିଳିଥିଲା ଯେବେ କାର୍ତ୍ତିକ ରୋମାଣ୍ଟିକ ଅନ୍ଦାଜରେ ସାରାଙ୍କୁ କୋଳରେ ଉଠାଇଥିଲେ । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭିଡିଓଟି କାର୍ତ୍ତିକ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଭିଡିଓରେ ସାରା ଟ୍ରାଡିଶନାଲ ଆଓଟଫିଟରେ ନଜର ଆସୁଥିବା ବେଳେ କାର୍ତ୍ତିକ ହ୍ବାଇଟ ଟି-ସର୍ଟ, ଜ୍ୟାକେଟ ଓ ଜିନ୍ସରେ ଦେଖାଯାଉଛନ୍ତି । ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଅହମ୍ମଦାବାଦରେ କାର୍ତ୍ତିକ, କେମ ଛୋ।’
ପ୍ରକାଶ ଥାଉକି ଫିଲ୍ମ ପ୍ରମୋଶନ କରିବାରେ କୌଣସି ସୁଯୋଗ ଛାଡୁନାହାଁନ୍ତି କାର୍ତ୍ତିକ ଓ ସାରା । ନିକଟରେ ଫିଲ୍ମର ଜବରଦସ୍ତ ଟ୍ରେଲର ରିଲିଜ ହୋଇଥିଲା । ଯେଉଁଥିରେ ଦୁଇଟି ଲଭଷ୍ଟୋରି ଦେଖିବାକୁ ମିଳିଥିଲା । ଗୋଟିଏ ପଟେ 1990ର ଲଭଷ୍ଟୋରି ଆଉ ଗୋଟିଏ ପଟେ 2020ର ଲଭଷ୍ଟୋରି । ଯାହାକୁ ଖୁ୍ବ ପସନ୍ଦ କରିଥିଲେ ଦର୍ଶକ । 2009ରେ ରିଲିଜ ହୋଇଥିବା ସୈଫ ଅଲ୍ଲୀ ଖାନ ଓ ଦୀପିକା ପାଦୁକୋନଙ୍କ ଅଭିନୀତ ହିଟ୍ ଫିଲ୍ମ ‘ଲଭ ଆଜକଲ’ର ଏହାର ସିକ୍ବେଲ ଫିଲ୍ମ । ଭାଲେଣ୍ଟାଇନ ଡେ ତଥା ଆସନ୍ତା 14 ତାରିଖରେ ରିଲିଜ ହେବାକୁ ଯାଉଛି ଏହି ଫିଲ୍ମ।
