ମୁମ୍ବାଇ: ବି-ଟାଉନ ଆନ୍ନା ସୁନୀଲ ସେଟ୍ଟୀ ଓ ସାଉଥର ଫେମସ ଅଭିନେତା ସୁଦୀପଙ୍କ ଚର୍ଚ୍ଚିତ ଫିଲ୍ମ ‘ପହଲୱାନ’ର ଜବରଦସ୍ତ ଟ୍ରେଲର କିଛି ଦିନ ପୂର୍ବରୁ ରିଲିଜ ହୋଇଯାଇଛି । ଦର୍ଶକଙ୍କ ମଧ୍ୟ ଫିଲ୍ମକୁ ନେଇ ଖୁବ୍ ଏକ୍ସାଇଟେଡ । ଫିଲ୍ମରେ ସୁଦୀପ ଜଣେ କୁସ୍ତି ଯୋଦ୍ଧା ଭୂମିକାରେ ନଜର ଆସିବାକୁ ଯାଉଥିବା ବେଳେ ସୁନୀଲ ତାଙ୍କ ଗୁରୁ ଭୂମିକାରେ ଦେଖାଯିବେ । ‘ପହଲୱାନ’ ଫିଲ୍ମଟି ସଲମାନ ଖାନଙ୍କ ‘ସୁଲତାନ’ ଫିଲ୍ମକୁ ଦର୍ଶକଙ୍କୁ ମନେ ପକାଇଦେବ ।
ନିଜ ହିନ୍ଦୀ ଫିଲ୍ମକୁ ନେଇ ଉତ୍ସାହିତ ସୁଦୀପ ନିକଟରେ ସଲମାନଙ୍କ ସହ ସାକ୍ଷାତ କରିଥିଲେ । ଯାହାର ମଜାଦାର ଫଟୋ ସେ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି । ଫଟୋରେ ଦୁଇଜଣଙ୍କ ଫାଇଟ ଦେଖିବାକୁ ମିଳୁଛି । ଆଶ୍ଚର୍ଯ୍ୟ ହେବାର କୌଣସି କଥା ନାହିଁ ସଲମାନ ଓ ସୁଦୀପ ବାସ୍ତବରେ ଲଢୁନାହାଁନ୍ତି । ଫେକ ଫାଇଟ କରୁଥିବାର ନଜର ଆସୁଛନ୍ତି । ଯେଉଁଥିରେ ଦୁଇଜଣଙ୍କ ନିବିଡ ବନ୍ଧୁତା ସ୍ପଷ୍ଟ ରୂପେ ଜଣାପଡୁଛି ।
ପ୍ରକାଶ ଥାଉକି ‘ପହଲୱାନ’ ଫିଲ୍ମର ନିର୍ଦ୍ଦେଶନା ଦାୟିତ୍ବ ସହ ଫିଲ୍ମର କାହାଣୀ ଲେଖିଛନ୍ତି ଏସ କ୍ରିଷ୍ଣା । ସେହିପରି ଫିଲ୍ମର ପ୍ରଯୋଜନା କରିଛନ୍ତି ସ୍ବପନା କ୍ରିଷ୍ଣା । ଫିଲ୍ମଟି ସେପ୍ଟେମ୍ବର 2ରେ ହିନ୍ଦୀ, ତେଲୁଗୁ, ତାମିଲ ଏବଂ ମଲାୟଲମରେ ରିଲିଜ ହେବ ।
