ହାଇଦ୍ରାବାଦ: ସୋସିଆଲ ମିଡିଆରେ ପ୍ରତିଦିନ କିଛି ନୂଆ ନୂଆ ଭିଡିଓ ସେୟାର କରୁଛନ୍ତି ଭାଇଜାନ । ନିକଟରେ ସଲମାନ ଆଉ ଏକ ମଜାଦାର ଭିଡିଓ ସେୟାର କରିଥିଲେ । ଭିଡିଓରେ ପ୍ରଭୁଦେବାଙ୍କ ସହ ନାଚୁଥିବାର ନଜର ଆସିଛନ୍ତି ସଲମାନ ଖାନ ଓ ସାଥିରେ ଅଛନ୍ତି କିଚ୍ଚା ସୁଦୀପ ଓ ସାଜିଦ ନାଡିୟାଡୱାଲା ।
ଫଟୋ ସୌଜନ୍ୟ: ଇନଷ୍ଟାଗ୍ରାମ/beingsalmankhan
ଭିଡିଓର କ୍ୟାପସନରେ ସଲମାନ ଲେଖିଥିଲେ, ‘ ମାଷ୍ଟର ପ୍ରଭୁଦେବାଙ୍କ ଠାରୁ ନୃତ୍ୟ ଶିକ୍ଷା କରୁଛନ୍ତି କିଚ୍ଚା ସୁଦୀପ ଓ ସାଜିଦ । ’ ‘ଉର୍ବଷୀ’ଗୀତ ପ୍ରଥମେ ତେଲୁଗୁ ଭାଷାରେ ନିର୍ମାଣ କରାଯାଇଥିଲା ଏହାପରେ ଏ ଆର ରେହମାନ ହିନ୍ଦି ଓ ତେଲୁଗୁ ଭାଷାରେ 1994 ମସିହାରେ ଫିଲ୍ମ ‘କଥଲାନ’ରେ କମ୍ପୋଜ କରିଥିଲେ ।
ସୋସିଆଲ ମିଡିଆରେ କାଫି ସକ୍ରିୟ ଅଛନ୍ତି ଭାଇଜାନ । କେତେବେଳ ପରିବାର ସହ ଭିଡିଓ ସେୟାର କରୁଛନ୍ତି ତ' କେବେ ନିଜ ଫିଟନେସର ଭିଡିଓ । ନିକଟରେ ସଲମାନଙ୍କ ବଡିଗାର୍ଡ ସେରାଙ୍କ ଏକ ଭିଡିଓ ଭାଇରାଲ ହୋଇଥିଲା । ଏଥିରେ ସେରା ନିଜ ପିତାଙ୍କ ସହ ଭାରତୀୟ ଦଳକୁ ଚିୟର କରି ଡ୍ୟାନ୍ସ କରୁଥିଲେ ।
