ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାକୁ ନେଇ ସବୁ ମହଲରେ ଚହଳ । କଙ୍ଗନା ରଣାୱତ ଓ ବିବେକ ଓବରାୟଙ୍କ ପରେ ଏବେ ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନ ବଲିଉଡ ଉପରେ ରାଗ ଜାହିର କରିଛନ୍ତି । ସୁଶାନ୍ତଙ୍କ ମୃତ୍ୟୁ ପରେ ବଲିଉଡରେ ତାଙ୍କ ପାଇଁ ପ୍ରକାଶ କରାଯାଉଥିବା ପ୍ରେମକୁ ନେଇ ଆଶ୍ଚର୍ଯ୍ୟ ସେ । ସେଲିବ୍ରିଟିଙ୍କ ଉପରେ କ୍ରୋଧିତ ହୋଇ ସୈଫ କହିଛନ୍ତି ତାଙ୍କ ମୃତ୍ୟୁରେ ନାଟକ କରିବା ଅପେକ୍ଷା ଗୋଟିଏ ଦିନର ମୌନ ବ୍ରତ ପାଳନ କରନ୍ତୁ ।
ନିକଟରେ ଏକ ସାକ୍ଷାତକାରରେ ସୈଫ କହିଥିଲେ ଯେ ସୁଶାନ୍ତଙ୍କ ମୃତ୍ୟୁ ଅତ୍ୟନ୍ତ ଦୁଃଖଦାୟକ । ହେଲେ ଲୋକେ ତାଙ୍କ ମୃତ୍ୟୁରେ ପ୍ରଦର୍ଶନ କରୁଛନ୍ତି । ବଲିଉଡରେ ଅନେକ ଲୋକେ ତାଙ୍କ ମୃତ୍ୟୁରେ ସଙ୍ଗେ ସଙ୍ଗେ କମେଣ୍ଟ କରିଥିଲେ । ତାଙ୍କ ଅନୁଯାୟୀ ସୁଶାନ୍ତଙ୍କ ମୃତ୍ୟୁରୁ କିଛି ଲୋକଙ୍କୁ ଲାଭ ମିଳିଛି । ତେବେ ତାହା ଦୁଃଖ ଦେଖାଇବା ହେଉ କିମ୍ବା ରାଜନୈତିକ ରୁଚି ଦେଖାଇବା ପାଇଁ । ସୋସିଆଲ ମିଡିଆରେ ଲୋକେ ଅନେକ ମିଥ୍ୟ କଥା କହିବାରେ ଲାଗିଛନ୍ତି । ଯାହା ଲଜ୍ୟାଜନକ।
ସୁଶାନ୍ତଙ୍କୁ ସେ ହୃଦୟରୁ ସମ୍ମାନ ଦେଉଛନ୍ତି । ହଠାତ୍ ତାଙ୍କ ପ୍ରତି ପ୍ରେମ ପ୍ରଦର୍ଶନ କରୁଥିବା ଲୋକେ ଗୋଟିଏ ଦିନ ମୌନ ବ୍ରତ ପାଳନ କରିବା କଥା ବୋଲି କହିଥିଲେ ସୈଫ ।
