ମୁମ୍ବାଇ: ହ୍ୟାଣ୍ଡସମ ଅଭିନେତା ଜନ ଆବ୍ରାହମଙ୍କ ଆଗାମୀ ଫିଲ୍ମ 'ବାଟଲା ହାଉସ' ଅଗଷ୍ଟ 15ରେ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ନିକଟରେ ଫିଲ୍ମର ଆଇଟମ ଗୀତ 'ସାକି ସାକି' ରିଲିଜ ହୋଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ । ଏବେ ପୁଣି ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ଫିଲ୍ମର ସେକେଣ୍ଡ ଟ୍ରାକ 'ରୁଲା ଦିଆ' ରିଲିଜ କରିଛନ୍ତି ମେକର୍ସ ।
ଗୀତରେ ଜନଙ୍କ ସହ ନଜର ଆସୁଛନ୍ତି 'ସୁପର 30'ର ଅଭିନେତ୍ରୀ ମୃଣାଳ ଠାକୁର । ଯିଏ ଫିଲ୍ମରେ ଜନଙ୍କ ପତ୍ନୀ ଭୂମିକାରେ ଅଭିନୟ କରୁଥିବାର ଦେଖାଯିବେ । ଏହି ଦୁଃଖଭରା ଗୀତରେ ଜନ ଓ ମୃଣାଳଙ୍କ ବିବାହିତ ଜୀବନ ସମସ୍ୟାରେ ଥିଲା ପରି ଦେଖାଯାଉଛି ।
- " class="align-text-top noRightClick twitterSection" data="">
'ରୁଲା ଦିଆ' ଗୀତଟିକୁ ଅଙ୍କିତ ତିୱାରୀ ଓ ଧଭନି ଭାନୁଶାଳୀ ଗାଇଥିବାବେଳେ ଲେଖିଛନ୍ତି ପ୍ରିନ୍ସ ଦୁବେ । ଜନ ଟ୍ବିଟରରେ ଏହି ଗୀତଟିକୁ ସେୟାର କରି ଲେଖିଛନ୍ତି, "ଏବେ ଶୁଣନ୍ତୁ ଏହି ଦୁଃଖଭରା ଟ୍ରାକ ।"
ପ୍ରକାଶ ଥାଉକି 'ବାଟଲା ହାଉସ'ର କାହାଣୀ 2008 ଦିଲ୍ଲୀରେ ଘଟିଥିବା ଆତଙ୍କବାଦୀ ଉପରେ ପୋଲିସର ଏନକାଉଣ୍ଟର ଉପରେ ଆଧାରିତ । ଫିଲ୍ମରେ ଜନ ଦିଲ୍ଲୀ ପୋଲିସ ଅଫିସର ସଞ୍ଜୀବ କୁମାର ଯାଦବ ଭୂମିକା ନଜର ଆସିବେ ।
