ହାଇଦ୍ରାବାଦ: ବଲିଉଡରେ ଡେବ୍ୟୁ କରୁଛନ୍ତି ସନ୍ନି ଦେଓଲଙ୍କ ପୁଅ କରନ ଦେଓଲ । ଖୁବ ଶୀଘ୍ର ଫିଲ୍ମ ‘ପଲ ପଲ ଦିଲକେ ପାସ’ ଜରିଆରେ କରିବେ ଡେବ୍ୟୁ । ଏହାର ନିର୍ଦ୍ଦେଶନା ଦେଉଛନ୍ତି ନିଜେ ସନ୍ନି ଦେଓଲ ।
ଫିଲ୍ମରେ କରନଙ୍କ ସହ ନଜର ଆସିବେ ନବାଗତା ସାହେର ବାମ୍ବା । ଫିଲ୍ମର ସୁଟିଂ ମେ 2017ରୁ ଆରମ୍ଭ ହୋଇଯାଇଥିଲା । ଫିଲ୍ମକୁ ପ୍ରଥମେ ଡିସେମ୍ବର 2018ରେ ରିଲିଜ କରିବାର ଥିଲା କିନ୍ତୁ ଏହାର ତାରିଖକୁ ପରିବର୍ତ୍ତନ କରାଯାଇ 14 ଫେବୃଆରୀ 2019ରେ ରିଲିଜ ହେବାର ଥିଲା । ମାତ୍ର କିଛି ଅସୁବିଧା କାରଣରୁ ଏହା ଫେବୃୟାରୀରେ ରିଲିଜ ହୋଇପାରିନଥିଲା ।
ତେବେ ଏହାକୁ ଚଳିତ ବର୍ଷ 20 ସେପ୍ଟେମ୍ବରରେ ରିଲିଜ କରାଯିବାକୁ ନିଷ୍ପତ୍ତି ନିଆଯାଇଛି । ଏହାର ସୂଚନା ଦେଇଛନ୍ତି ଆନାଲିଷ୍ଟ ତରନ ଆଦର୍ଶ । ଏହାର ନିର୍ଦ୍ଦେଶନା ଦେବ ଜି ଷ୍ଟୁଡିଓ ଓ ସନ୍ନି ସାଉଣ୍ଡ ପ୍ରାଇଭେଟ ଲିମିଟେଡ । ଫିଲ୍ମର ସୁଟିଂ ମନାଲି, ଗୁରୁଗ୍ରାମ ଓ ଦିଲ୍ଲୀରେ କରାଯାଇଛି ।
