ମୁମ୍ବାଇ: ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତ ଗତ 14 ତାରିଖରେ ଫାଶି ଲଗାଇ ଆତ୍ମହତ୍ୟା କରିଥିଲେ । ଯାହାକୁ ନେଇ ଦୁଃଖି ତାଙ୍କ ଫ୍ୟାନ୍ସ, ବନ୍ଧୁବାନ୍ଧବ ଓ ପରିବାର ଲୋକ । ଆକ୍ଟରଙ୍କ ଆତ୍ମହତ୍ୟା କରିବା ପଛର କାରଣ ଜାଣିବା ପାଇଁ ମୁମ୍ବାଇ ପୋଲିସ ଜୋରଦାର ତଦନ୍ତରେ ଲାଗିଛି ।
ସେହିପରି ସୁଶାନ୍ତଙ୍କ ପରିବାର ପାଇଁ ଏହା ବହୁତ କଠିନ ସମୟ । ଇତିମଧ୍ୟରେ ଫିଲ୍ମ ଜଗତରୁ କିଛି କଳାକାର ପାଟନା ଯାଇ ତାଙ୍କ ପରିବାର ସହ ସାକ୍ଷାତ କରି ଭଲମନ୍ଦ ବୁଝିବାରେ ଲାଗିଛନ୍ତି । ନିକଟରେ ଫେମସ ଟେଲି ଅଭିନେତ୍ରୀ ରତନ ରାଜପୁତ ମଧ୍ୟ ସୁଶାନ୍ତଙ୍କ ପିତା କେକେ ସିଂଙ୍କୁ ସାକ୍ଷାତ କରିବା ପାଇଁ ତାଙ୍କ ଘରେ ପହଞ୍ଚିଥିଲେ ।
ଏହି ବିଷୟରେ ଆଲୋଚନା କରି ରତନ ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି । ଯାହା ଜରିଆରେ ସେ ସମସ୍ତଙ୍କୁ ଜଣାଇଛନ୍ତି ଯେ ସୁଶାନ୍ତଙ୍କ ପରିବାର ସହ ସାକ୍ଷାତ କରିବା ପରେ ତାଙ୍କୁ କେଉଁ ପରି ଅନୁଭବ ହେଉଛି ।
ସେ ତାଙ୍କ ପରିବାର ସାହସ ବଢାଇବା ପାଇଁ ଯାଇଥିଲେ ହେଲେ ନିଜେ ସାହସ ନେଇ ଫେରିଛନ୍ତି । ସେ ସୁଶାନ୍ତଙ୍କ ପିତା, ଭଉଣୀଙ୍କ ସହ ସାକ୍ଷାତ କରିଥିଲେ । ତାଙ୍କ ପିତା ସମ୍ପୂର୍ଣ୍ଣ ଭିନ୍ନ ବ୍ୟକ୍ତି । ତାଙ୍କ ସହ ସାକ୍ଷାତ କରି ସେ ଆଶ୍ଚର୍ଯ୍ୟ । ସେ ବହୁତ ଶାନ୍ତ, ବହୁତ ସକାରାତ୍ମକ । ତାଙ୍କ ଭେଟିବା ପରେ ଆହୁରି ସାହସ ବଢିଯାଇଛି ବୋଲି ପୋଷ୍ଟରେ କହିଛନ୍ତି ରତନ ।
ସେହିପରି ଭିଡିଓ କପ୍ୟାସନରେ ଲେଖିଛନ୍ତି, ‘ଏବେ ମୋ ଜୀବନ ପୁଣି ସ୍ବାଭାବିକ ହେବାରେ ଲାଗିଛି । ସୁଶାନ୍ତଙ୍କ ପିତାଙ୍କୁ ଧନ୍ୟବାଦ । ମୁଁ କେବଳ ପ୍ରାର୍ଥନା କରୁଛି ଈଶ୍ବରଙ୍କ ନିକଟରେ ନ୍ୟାୟ ମାଗୁଛି । ସେ ସବୁ କିଛି ଦେଖୁଛନ୍ତି । ଏହାସହ ରତନ #justiceforsushant ମଧ୍ୟ ଲେଖିଛନ୍ତି ।’ ଦେଖନ୍ତୁ ଭିଡିଓ...
- " class="align-text-top noRightClick twitterSection" data="
">
