ମୁମ୍ବାଇ: ବି-ଟାଉନର ଏର୍ନଜେଟିକ ଆକ୍ଟର ରଣବୀର ସିଂ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନଙ୍କ ପାଇଁ ନିଜ ପ୍ରେମ ଜାହିର କରିବାରେ କେବେ ପଛ ଘୁଞ୍ଚା ଦିଅନ୍ତି ନାହିଁ । ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ରଣବୀର ପତ୍ନୀଙ୍କ ସହ ଏବେ ଏକ ରୋମାଣ୍ଟିକ ଫଟୋ ସେୟାର କରିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି ।
ଶୁକ୍ରବାର ଇନଷ୍ଟାଗ୍ରାମ ଷ୍ଟୋରିରେ ଆଇଫା ଆୱାର୍ଡ ଶୋର ଏକ ରୋମାଣ୍ଟିକ ବ୍ଲାକ ଆଣ୍ଡ ହ୍ବାଇଟ ଫଟୋ ସେୟାର କରି ଦୀପିକାଙ୍କ ପାଇଁ ନିଜ ପ୍ରେମ ପ୍ରକାଶ କରିଛନ୍ତି ରଣବୀର ।
ଫଟୋରେ ରଣବୀର, ଦୀପିକାଙ୍କ କାନରେ କିଛି କହୁଥିବାର ନଜର ଆସୁଛନ୍ତି । ଆଉ ତାଙ୍କ କଥା ଶୁଣି ଦୀପିକା ଚେହେରାରେ ହସ ଦେଖିବାକୁ ମିଳୁଛି । ପ୍ରକାଶ ଥାଉକି ବିବାହ ପରେ ରଣବୀର ଓ ଦୀପିକା ଏକାଠି କବୀର ଖାନଙ୍କ ଆଗାମୀ ଫିଲ୍ମ ‘83’ରେ କାମ କରୁଛନ୍ତି । ଯାହାକୁ ନେଇ ଉତ୍ସାହିତ ତାଙ୍କ ଫ୍ୟାନ୍ସ ।
‘83’ ଫିଲ୍ମ 1983 କ୍ରିକେଟ ବିଶ୍ବକପରେ ଭାରତର ଐତିହାସିକ ବିଜୟକୁ ନେଇ ଆଧାରିତ । ଫିଲ୍ମରେ ଯେଉଁଠାରେ ରଣବୀର କ୍ରିକେଟ କିମ୍ବଦନ୍ତୀ କପିଲ ଦେବଙ୍କ ଭୂମିକାରେ ନଜର ଆସିବେ, ସେହିଠାରେ ଦୀପିକା, କପିଲଙ୍କ ପତ୍ନୀ ରୋମି ଦେବଙ୍କ ଭୂମିକାରେ ଦେଖାଯିବେ ।
