ମୁମ୍ବାଇ: ଲକଡାଉନ ପରେ ବଲିଉଡ ଇଣ୍ଡଷ୍ଟ୍ରିରେ ନୂଆ ଗାଇଡଲାଇନ ସହ ଅନେକ ସୁଟିଂ କାମ ଆରମ୍ଭ ହୋଇଛି । କାମକୁ ଫେରି କଳାକାରମାନେ ବହୁତ ଖୁସି । ଲକଡାଉନ୍ ପରେ ଅଭିନେତା ରାହୁଲ ଦେବ ସୁଟିଂ ସେଟକୁ ଫେରି କାମ ଆରମ୍ଭ କରିଛନ୍ତି ।
ରାହୁଲ କହିଛନ୍ତି, ମୁଁ ସେହି ଅଭିନେତାମାନଙ୍କ ମଧ୍ୟରୁ ଜଣେ, ଯେଉଁମାନେ ସୁଟିଂ କାମ ଆରମ୍ଭ କରିଛନ୍ତି । ସୁଟିଂ ସେଟକୁ ଫେରି ମତେ ଫ୍ରେଶ ଲାଗୁଛି । ତିନିମାସ ଲକଡାଉନ୍ ପରେ ମୁଁ ସେଟ୍ ଏବଂ କ୍ୟାମେରା ଆଗକୁ ଆସି ବହୁତ ଭଲ ଅନୁଭବ କରୁଛି । ସୁଟିଂ ସେଟକୁ ଫେରିବାର ଅଭିଜ୍ଞତା ବହୁତ ଭଲ ଅଟେ ।
ମହାମାରୀ ମଧ୍ୟରେ ସୁଟିଂ ଏବଂ ସତର୍କତା ବିଷୟରେ ରାହୁଲ କହିଛନ୍ତି, ଏହି ମହାମାରୀ ପାଇଁ ଫେସ୍ ମାସ୍କ ଲଗାଇବା, ଦୂରତା ବଜାୟ ରଖିବା ଏବଂ ପରିଷ୍କାର ପରିଚ୍ଛନ୍ନତାର ଯତ୍ନ ନେବା । ଏହା ବ୍ୟତୀତ କାଷ୍ଟ, ଟେକ୍ନିସିଆନ୍ ଏବଂ କ୍ରୁ ସଦସ୍ୟମାନଙ୍କ ପାଇଁ ବୀମା ବ୍ୟବସ୍ଥା କରାଯାଇଛି ।
ରାହୁଲ ତାଙ୍କର ଆଗାମୀ ପ୍ରୋଜେକ୍ଟ 'ଭେଲାପନ୍ତି'ର ସୁଟିଂ ଶେଷ କରିଛନ୍ତି ।
ଏହି ଫିଲ୍ମ ବିଷୟରେ ରାହୁଲ କହିଛନ୍ତି, ଭେଲାପନ୍ତି ଏକ କମେଡି ଫିଲ୍ମ । ଯେଉଁଥିରେ ମୁଁ ଏକ ହରିୟଣା ଡନ୍ ଭୂମିକାରେ ଅଭିନୟ କରୁଛି । ମୋର ଚରିତ୍ରର ନାମ ଜୋରୱାର୍ ସିଂ ମିଲ୍କବାଲା । ଯାହା ବହୁତ ମଜାଦାର ଅଟେ ।
ପରବର୍ତ୍ତୀ ସମୟରେ, ରାହୁଲ, 'ତେରର୍ବାଜ୍' ଚଳଚ୍ଚିତ୍ରରେ ସଞ୍ଜୟ ଦତ୍ତଙ୍କ ସହ ନଜର ଆସିବେ । ରାହୁଲ ୱେବ୍ ସିରିଜ୍ 'ପଏଜନ 2'ରେ ଜଣେ ପୋଲିସ୍ ଅଧିକାରୀ ଭୂମିକାରେ ଅଭିନୟ କରିବେ ଏବଂ ତାଙ୍କୁ ନିଖିଲ ଆଡଭାନୀଙ୍କ ୱେବ୍ ସିରିଜ୍' ମୋଗଲସ୍'ରେ ମଧ୍ୟ ଦେଖିବାକୁ ମିଳିବ ।
