ମୁମ୍ବାଇ: 'ବିଗବସ୍ 13'ର ବିଜେତା ଅଭିନେତା ସିଦ୍ଧାର୍ଥ ଶୁକ୍ଲା ଖୁବ୍ ଶୀଘ୍ର ଡିଜିଟାଲ୍ ଡେବ୍ୟୁ କରିବାକୁ ଯାଉଛନ୍ତି । ସିଦ୍ଧାର୍ଥଙ୍କ ଡେବ୍ୟୁ ୱେବ୍ ସିରିଜ୍ ହେଉଛି 'Broken But Beautiful 3', ଯାହାର ଦୁଇଟି ସିଜିନ ପୂର୍ବରୁ ରିଲିଜ ହୋଇସାରିଛି । ନିକଟରେ ଏହାର ଟ୍ରେଲର ରିଲିଜ ହୋଇଥିଲା । ଆଉ ଏବେ ଏହାର ରୋମାଣ୍ଟିକ ଗୀତ ‘ତେରେ ନାଲ’ ରିଲିଜ କରିଦେଇଛନ୍ତି ମେକର୍ସ ।
- " class="align-text-top noRightClick twitterSection" data="">
ଯାହାର କମ୍ପୋଜ କରିଛନ୍ତି ସିଙ୍ଗର ଅଖିଲ ସଚଦେବ । ସେହିପରି ଏହାର ଲିରିକ୍ସ ବି ସେ ଲେଖିଛନ୍ତି । ସେପଟେ ଏକତା କପୁର ଏହି ସିରିଜର ନିର୍ମାତା ।
ଅଲ୍ଟ ବାଲାଜୀର ଏହି ରୋମାଣ୍ଟିକ ସିରିଜରେ ସିଦ୍ଧାର୍ଥଙ୍କ ସହ ରୋମାନ୍ସ କରିବେ ଅଭିନେତ୍ରୀ ସୋନିଆ ରାଠୀ । ସେହିପରି ସିରିଜରେ ସିଦ୍ଧାର୍ଥ ଅଗସ୍ତ୍ୟ ଭୂମିକାରେ ଅଭିନୟ କରିଥିବା ବେଳେ ସୋନିଆଙ୍କୁ ରୁମି ଭୂମିକାରେ ଦେଖିବାକୁ ମିଳିବ। ଯାହାର ଝଲକ ଟ୍ରେଲରରେ ଦେଖିବାକୁ ମିଳିଥିଲା ।
ପ୍ରେମ, ଧୋକାକୁ ନେଇ ଆଧାରିତ 'Broken But Beautiful 3'। ଟ୍ରେଲର ରିଲିଜ ସହ ସିରିଜ ଷ୍ଟ୍ରିମିଂ ତାରିଖ ମଧ୍ୟ ଘୋଷଣା ହୋଇଥିଲା । ଆସନ୍ତା 29 ତାରିଖରେ ଓଟିଟି ପ୍ଲାଟଫର୍ମରେ ଦର୍ଶକ ଦେଖିପାରିବେ ସିରିଜ ।
