ମୁମ୍ବାଇ: ନିକଟରେ ରିଲିଜ ହୋଇଥିଲା ଅଭିଷେକ ବଚ୍ଚନଙ୍କ ଚର୍ଚ୍ଚିତ ଫିଲ୍ମ ‘ଲୁଡୋ’ । ଫିଲ୍ମରେ ତାଙ୍କ ଅଭିନୟର ପ୍ରଶଂସା କରିଥିଲେ ଦର୍ଶକ । ତାଙ୍କ ବିଟୁ ଲୁକ ସମସ୍ତଙ୍କ ମନ କିଣିଥିଲା । ଏହାବ୍ୟତୀତ ଫିଲ୍ମ ‘ଦ ବିଗ ବୁଲ’ ଓ ‘ବବ ବିଶ୍ବାସ’ରେ ନଜର ଆସିବେ । ସବୁବେଳେ ଭିନ୍ନ ଅଭିନୟ କରିବାକୁ ଚେଷ୍ଟା କରୁଥିବା ଅଭିଷେକ ଏଥର ‘ବବ ବିଶ୍ବାସ’ ପାଇଁ ନିଜ ଲୁକ ପୁରା ପରିବର୍ତ୍ତନ କରିଦେଇଛନ୍ତି । ଚନ୍ଦା ମୁଣ୍ଡ ସହ ବଢାଇଛନ୍ତି ନିଜ ଶରୀରର ଓଜନ । ଯାହାକୁ ଦେଖି ଆଶ୍ଚର୍ଯ୍ୟ ସମସ୍ତେ । କାରଣ ହ୍ୟାଣ୍ଡସମ ନଜର ଆସୁଥିବା ଅଭିଷେକ ଏହି ଫିଲ୍ମରେ ବୁଢା ଭଳି ଦେଖାଯାଉଛନ୍ତି । କାରଣ ତାଙ୍କ ନୂଆ ଲୁକର କିଛି ଫଟୋ ବର୍ତ୍ତମାନ ସୋସିଆଲ ମିଡିଆରେ ଚହଳ ସୃଷ୍ଟି କରିଛି ।
କୋଲକାତାରେ ଚାଲିଥିବା ଫିଲ୍ମର ସୁଟିଂ ସେଟରୁ ତାଙ୍କର କିଛି ଫଟୋ ଫ୍ୟାନକ୍ଲବ ଇନଷ୍ଟାଗ୍ରାମ ପେଜରେ ସେୟାର କରାଯାଇଛି । ଯେଉଁଥିରେ ତାଙ୍କ ସମ୍ପୂର୍ଣ୍ଣ ନୂଆ ଅବତାର ଦେଖିବାକୁ ମିଳୁଛି । ଆପଣ ବି ଦେଖନ୍ତୁ ଅଭିଷେକଙ୍କ ଏହି ଅବତାର...
- " class="align-text-top noRightClick twitterSection" data="
">
ନିର୍ଦ୍ଦେଶକ ସୁଜୟ ଘୋଷଙ୍କ ‘କାହାନୀ’ ଫିଲ୍ମର ପ୍ରିସିକ୍ବେଲ ଫିଲ୍ମ ହେଉଛି ‘ବବ୍ ବିଶ୍ବାସ’ । ଅଭିଷେକଙ୍କ ସହ ଅଭିନେତ୍ରୀ ଚିତ୍ରଙ୍ଗନ୍ଦା ସିଂ, ଟିନା ଦେସାଇ ଓ ଦୀପ୍ତିପ୍ରିୟା ରୟ ନଜର ଆସିବେ । ସେହିପରି କିଛି ଦିନରୁ ଚର୍ଚ୍ଚା ଜୋର ଧରିଛି ଯେ ବିଦ୍ୟା ବାଲନ ଏହି ଫିଲ୍ମରେ ଅଭିନୟ କରିବେ ବୋଲି । ହେଲେ ଏଯାବତ ମେକର୍ସଙ୍କ ତରଫରୁ ଏହାକୁ ନେଇ କୌଣସି ଘୋଷଣା ହୋଇନାହିଁ । ଘୋଷଙ୍କ ଝିଅ ଦିବ୍ୟା ଅନ୍ନପୂର୍ଣ୍ଣା ଘୋଷଙ୍କ ବବ୍ ବିଶ୍ବାସର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ।
