ମୁମ୍ବାଇ: ସବୁବେଳେ ନିଜ ଫିଟନେସ ପାଇଁ ଚର୍ଚ୍ଚାରେ ରହୁଥିବା ସେକ୍ସୀ ଅଭିନେତ୍ରୀ ଶିଳ୍ପା ସେଟ୍ଟୀ ଫ୍ୟାନ୍ସଙ୍କୁ ଫିଟ୍ ରହିବା ପାଇଁ ମୋଟିଭେଟ କରିଥାନ୍ତି । କେବେ ନିଜର ଯୋଗ ଭିଡିଓ ତ କେବେ ୱାର୍କଆଉଟ ଭିଡିଓ ପୋଷ୍ଟ କରି ଫିଟ୍ ଇଣ୍ଡିଆରେ ସାମିଲ ହେବାକୁ କହୁଥିବାର ନଜର ଆସନ୍ତି । ହେଲେ ରିଲ ଲାଇଫ ଠୁ ନେଇ ରିୟଲ ଲାଇଫରେ ସ୍ଲିମ୍ ଟ୍ରିମ ରହୁଥିବା ଶିଳ୍ପା ସ୍ବାଦିଷ୍ଟ ସ୍ବାଦିଷ୍ଟ ଖାଦ୍ୟ ଖାଇବାକୁ ଖୁବ୍ ପସନ୍ଦ କରନ୍ତି । ପୋଷ୍ଟ ସେୟାର କରି ଏହାର ସୂଚନା ମଧ୍ୟ ସେ ଦିଅନ୍ତି ।
ଏବେ ଏମିତି ତାଙ୍କ ଇନଷ୍ଟାଗ୍ରାମରେ ଦେଖିବାକୁ ମିଳୁଛି । ରବିବାର ସେୟାର କରିଥିବା ପୋଷ୍ଟରେ ସେ କାରରେ ବସି ବଡା ପାଓ ଏନଜୟ କରୁଥିବାର ନଜର ଆସୁଛନ୍ତି । ଆଉ କହୁଛନ୍ତି, ‘ଆଜି ରବିବାର ମୁଁ ବଡା ପାଓ ଖାଇବା ପାଇଁ ନିଜକୁ ରୋକିପାରୁନାହିଁ । ଆଉ ଏହା ସହ କ୍ରିସ୍ପି ସ୍ପିନାଚ୍ ପକୁଡି ।’
- " class="align-text-top noRightClick twitterSection" data="
">
ସେହିପରି ଏହାର କ୍ୟାପସନରେ ଲେଖିଛନ୍ତି, ‘ଯାଉଥିବା ସମୟରେ ଦେଖିଲି ବଡା ପାଓ । ମନ କହିଲା ଆଜି ରବିବାର ତେବେ ଖାଅ ଖାଅ ଖାଅ ।’ ତାଙ୍କ ଏହି ଭିଡିଓରେ ବର୍ତ୍ତମାନ ଫ୍ୟାନ୍ସଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
