ହାଇଦ୍ରାବାଦ: ପୁନମ୍ ପାଣ୍ଡେ କଙ୍ଗନା ରଣାଓ୍ବତଙ୍କ ଶୋ' ଲକ୍ଅପ୍ରେ ଭାଗ ନେଇଛନ୍ତି । ସେ ଜଣେ ପ୍ରତିଯୋଗୀ ଭାବରେ ଭଲ ଖେଳୁଛନ୍ତି । ଏପରି ଅନେକ ଘଟଣା ଶୋ’ରେ ଦେଖିବାକୁ ମିଳିଛି ଯେଉଁଥିରେ ପୁନମ ତାଙ୍କ ବ୍ୟକ୍ତିଗତ ଜୀବନ ବିଷୟରେ କହିଛନ୍ତି । ସେ ତାଙ୍କ ପିଲାଦିନ ବିଷୟରେ ଏବଂ ସ୍ବାମୀ ସାମ୍ ବମ୍ବେଙ୍କ ବିଷୟରେ ମଧ୍ୟ କହିଥିଲେ ।
- " class="align-text-top noRightClick twitterSection" data="
">
ସେ କିପରି ସାମ୍ ବମ୍ବେଙ୍କୁ ବିବାହ କରିଥିଲେ ସେ ବିଷୟରେ ମଧ୍ୟ କହିଛନ୍ତି। ପୁନମ୍ କହିଛନ୍ତି ଯେ, ସାମ୍ ତାଙ୍କୁ କୁକୁର ପରି ପିଟୁଥିଲେ। ଆତ୍ମହତ୍ୟା କରିବାର ଚିନ୍ତାଧାରା ମଧ୍ୟ ତାଙ୍କ ମନକୁ ଅନେକ ଥର ଆସିଥିଲା । ଅଭିନେତ୍ରୀ ଆହୁରି କହିଛନ୍ତି- ଏହା ଜେଲ, ଏହି ଖାଦ୍ୟ ଏବଂ ନିଦ ମୋ ପାଇଁ କୌଣସି ବିଳାସ ଠାରୁ କମ୍ ନୁହେଁ । ମୁଁ ଚାରି ବର୍ଷ ପର୍ଯ୍ୟନ୍ତ ଏକ ରିଲେସନସିପ୍ରେ ଥିଲି । କିନ୍ତୁ ସେହି ଚାରି ବର୍ଷରେ ମୁଁ କେବେ ବି ଭଲରେ ଶୋଇ ପାରିନି କି ଭଲରେ ଟିକେ ଖାଇ ପାରିନି। ବରଂ ମାଡ ଖାଉଥିଲି।
ମୋତେ ମୋ ଶୋଇବା ଘରେ ତାଲା ପକାଇ ଦିଆଯାଉଥିଲା । ମୋ ଫୋନ୍ ଭାଙ୍ଗି ଦିଆଯାଉଥିଲା ଯାହା ଦ୍ବାରା ମୁଁ କାହାକୁ କୌଣସି କଲ କରିପାରୁନଥିଲି । ମୋତେ ଏପରି ଲାଗୁଥିଲା ଯେ, ମୁଁ ନିଜକୁ ମାରିଦେବା ଉଚିତ୍ । ମୁଁ ପୂର୍ବରୁ ଅନେକ ଥର ନିଜକୁ ମାରିବାକୁ ଚେଷ୍ଟା କରିଛି । କୁକୁର ପରି ମୋତେ ବି ମାଡ ମରାଯାଉଥିଲା। ଅଭିନେତ୍ରୀ ଆହୁରି କହିଛନ୍ତି- ମୁଁ ଜୀବିତ, ଏହା ମୋ ପାଇଁ ବହୁତ ବଡ଼ କଥା । ମୁଁ ଆପଣମାନଙ୍କ ସହିତ ବସିଛି, ଏହା ମୋ ପାଇଁ ଆହୁରି ବଡ କଥା । କିନ୍ତୁ ମୁଁ ଖୁସି ଯେ ମୁଁ ବର୍ତ୍ତମାନ ଏହି ସବୁ ଜିନିଷରୁ ଦୂରେଇ ଯାଇଛି । ଏହି ଦୁନିଆରେ ବହୁତ ଲୋକ ଅଛନ୍ତି ଯେଉଁମାନେ ଏହି ଜିନିଷ ଦେଇ ଗତି କରନ୍ତି । ମୁଁ ସେହି ଲୋକଙ୍କୁ କହିବାକୁ ଚାହିଁବି ଛାଡି ଦିଅନ୍ତୁ । ଏହିପରି ସମ୍ପର୍କକୁ ଆଗକୁ ବଢାନ୍ତୁ ନାହିଁ । ଜୀବନ ଅତ୍ୟନ୍ତ ମୂଲ୍ୟବାନ । ଦୟାକରି ଏହାର ସମ୍ମାନ ଦିଅନ୍ତୁ ।
ପୁନମ୍ ପାଣ୍ଡେ ଦୀର୍ଘ ସମୟ ଧରି ସାମ୍ ବମ୍ବେଙ୍କ ସହ ରିଲେସନସିପ୍ରେ ଥିଲେ। 2020 ସେପ୍ଟେମ୍ବରରେ ସେ ସାମଙ୍କୁ ବିବାହ କରିଥିଲେ । କିନ୍ତୁ ବିବାହର କିଛି ଦିନ ପରେ ପୁନମ୍ ସାମଙ୍କ ବିରୋଧରେ ଏକ ଘରୋଇ ହିଂସା ମାମଲା ଦାୟର କରିଥିଲେ। ଏହି ଖବର ଲୋକଙ୍କୁ ଚକିତ କରିଥିଲା କାରଣ ଉଭୟଙ୍କ ବିବାହକୁ କେବଳ ଗୋଟିଏ ସପ୍ତାହ ହୋଇଥିଲା । ତାଙ୍କ ସାହସିକତା ହେତୁ ପୁନମ୍ ପାଣ୍ଡେ ସବୁବେଳେ ଚର୍ଚ୍ଚାରେ ରହିଆସିଛନ୍ତି। ସେ କଙ୍ଗନାଙ୍କ ଶୋ ଲକଅପ୍ ରେ ପ୍ରବେଶ କରି ନିଜକୁ ଏକ ସୁଯୋଗ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
