ମୁମ୍ବାଇ: ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ଖୁବଶୀଘ୍ର ବଲିଉଡ ଅଭିନେତା ରାଜକୁମାର ରାଓଙ୍କ ସହ ତାଙ୍କ ଆଗାମୀ ଫିଲ୍ମ 'ଦ ହ୍ବାଇଟ ଟାଇଗର' ରେ ନଜର ଆସିବେ।
ନିକଟରେ ପ୍ରିୟଙ୍କା ସୋସିଆଲ ମିଡିଆରେ ଏହି ଫିଲ୍ମର ଫାଷ୍ଟ ଲୁକ୍ ସେୟାର କରିଛନ୍ତି ।
ପ୍ରିୟଙ୍କା 'ଦ ହ୍ବାଇଟ ଟାଇଗର' ସହିତ ଜଡିତ କିଛି ଫଟୋ ସେୟାର କରିଛନ୍ତି । ଯେଉଁଥିରେ ପ୍ରିୟଙ୍କାଙ୍କ ଲୁକକୁ ଫ୍ୟାନ୍ସମାନେ ବହୁତ ପସନ୍ଦ କରୁଛନ୍ତି ।
ଏହି ପୋଷ୍ଟ ସହିତ ପ୍ରିୟଙ୍କା କ୍ୟାପସନରେ ଲେଖିଛନ୍ତି, 'ଦ ହ୍ବାଇଟ ଟାଇଗର'ରେ ମୁଁ ପିଙ୍କି ମ୍ୟାଡାମଙ୍କ ଚରିତ୍ରରେ ଅଭିନୟ କରିଛି । ଯିଏ କି ଆମେରିକାର ପ୍ରଥମ ପିଢିର ପ୍ରବାସୀ । ସେ ତାଙ୍କ ସ୍ବାମୀଙ୍କ ସହିତ ଭାରତରେ ଅଛନ୍ତି ଏବଂ ଏହା ପରେ ତାଙ୍କ ଜୀବନ ବଦଳିଯାଏ । ପିଙ୍କି ମ୍ୟାଡାମ୍ ପ୍ରକୃତରେ ଏକ ବିଶେଷ ଚରିତ୍ର । 'ଦ ହ୍ବାଇଟ ଟାଇଗର' ଖୁବ୍ ଶୀଘ୍ର ନେଟଫ୍ଲିକ୍ସରେ ସର୍ବଭାରତୀୟ ସ୍ତରରେ ମୁକ୍ତିଲାଭ କରିବାକୁ ଯାଉଛି " ।
ପ୍ରକାଶ ଥାଉ ଯେ, ପ୍ରିୟଙ୍କାଙ୍କ ଶେଷ ଥର ପାଇଁ ଫିଲ୍ମ 'ଦ ସ୍କାଏ ପିଙ୍କ' ରେ ନଜର ଆସିଥିଲେ ।
