ନୂଆଦିଲ୍ଲୀ : କୋରୋନା ମହାମାରୀ ମଧ୍ୟରେ ଅନେକ ସେଲିବ୍ରିଟିଙ୍କ ଦେହାନ୍ତ ହେବାର ମିଥ୍ୟା ଖବର ସୋସିଆଲ ମିଡିଆରେ ଘୁରିବୁଲୁଛି ।
ଏବେ ବଲିଉଡ ଅଭିନେତା ପରେଶ ରାୱଲ ଏକ ଭାଇରାଲ ପୋଷ୍ଟ ସେୟାର କରିଛନ୍ତି । ଯେଉଁଥିରେ ତାଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି । ଯାହା ଉପରେ ସେ ଏକ ମଜାଦାର କମେଣ୍ଟ ଦେଇଛନ୍ତି ।
ପରେଶ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ତାଙ୍କର ଫଟୋକୁ ଫ୍ରେମ୍ ଭିତରେ ରଖାଯାଇଛି । ଏଥିସହିତ ଲେଖାଅଛି, ୧୪.୦୫.୨୦୨୧ ଆଜି, ସକାଳ ୭.୦୦ ରେ, ଫିଲ୍ମ ଇଣ୍ଡଷ୍ଟ୍ରିର ଅଭିନେତା ପରେଶ ରାୱଲଙ୍କର ଦେହାନ୍ତ ହୋଇଛି । ଦୀପ ସହିତ ଶ୍ରଦ୍ଧାଞ୍ଜଳି ଦିଆଯାଇଛି ।
ଏହି ପୋଷ୍ଟରେ ପରେଶ ଏକ ମଜାଳିଆ କମେଣ୍ଟ ଦେଇ ଲେଖିଛନ୍ତି, ଭୁଲ ବୁଝାମଣା ପାଇଁ ଦୁଃଖିତ, ଯେହେତୁ ମୁଁ ୭ ଟା ପରେ ଶୋଇଯାଇଥିଲି ।
ପ୍ରକାଶ ଥାଉ ଯେ, ଏହାପୂର୍ବରୁ ମହାଭାରତ ରେ ଭୀଷ୍ମ ପିତାମହ ଭୂମିକାରେ ଅଭିନୟ କରିଥିବା ମୁକେଶ ଖାନ୍ନାଙ୍କ ମୃତ୍ୟୁ ଗୁଜବ ସୋସିଆଲ ମିଡିଆରେ କିଛି ଦିନରୁ ଚର୍ଚ୍ଚାର ବିଷୟ ପାଲଥିଲା । ଯାହାକୁ ନିଜେ ମୁକେଶ ଅସ୍ବୀକାର କରିଥିଲେ ।
