ମୁମ୍ବାଇ: ଶାହିଦ କପୁରଙ୍କ ପତ୍ନୀ ମୀରା ରାଜପୁତ ସବୁବେଳେ ଚର୍ଚ୍ଚାରେ ରୁହନ୍ତି । ସେ ପ୍ରାୟତଃ କିଛି ନା କିଛି କାରଣ ପାଇଁ ସୋସିଆଲ ମିଡିଆରେ ଛାଇଯାଆନ୍ତି । ଏଥର ମଧ୍ୟ ଏମିତି ଦେଖିବାକୁ ମିଳୁଛି । କାରଣ ସେ ମଜାଦାର ପୋଷ୍ଟ କରି ଫ୍ୟାନ୍ସଙ୍କୁ ହସାଇଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହୋଇଛି । କଥାଟି ହେଲା ଯେ ସୋସିଆଲ ମିଡିଆରେ ଘୁରିବୁଲୁଛି ମୀରାଙ୍କ ୱିଣ୍ଟର ଅବତାର । ଶୀତରେ ଘରୁ ବାହାରି ୱାର୍କଆଉଟ କରିବା ପାଇଁ ସେ ନିଜକୁ ପୁରା ପୋଷାକରେ କଭର କରିଦେଇଛନ୍ତି ।
ଯାହାକୁ ଇନଷ୍ଟାଗ୍ରାମ ଷ୍ଟୋରିରେ ପୋଷ୍ଟ କରିଛନ୍ତି ସେ । ଯେଉଁଥିରେ ତାଙ୍କ ଗୋଡ ଦେଖିବାକୁ ମିଳୁଛି । ସେ ଶୀତରୁ ବଞ୍ଚିବା ପାଇଁ ପ୍ୟାଣ୍ଟ ଉପରେ ସକ୍ସ ପିନ୍ଧିଥିବାର ଦେଖାଯାଉଛନ୍ତି । ସେହିପରି ଏହାର କ୍ୟାପସନରେ ଲେଖିଛନ୍ତି, ‘ଘରୁ ବାହାରକୁ ଯାଇ କାମ କରିବାର ବେଷ୍ଟ ପାର୍ଟ । ଯେଉଁଥିରେ ଆପଣ ହାସ୍ୟାସ୍ପଦ ଦେଖାଯିବେ । 10 ଡିଗ୍ରି, ଜିମଲୁକ ।’ ତାଙ୍କ ଏହି ପୋଷ୍ଟରେ ମଜାଦାର କମେଣ୍ଟ କରିବାରେ ଲାଗିଛନ୍ତି ଫ୍ୟାନ୍ସ ।
ପ୍ରକାଶ ଥାଉକି ମୀରା ସୋସିଆଲ ମିଡିଆରେ ଫ୍ୟାନ୍ସଙ୍କୁ ସ୍କିନକେୟାର ବଂ ହେୟାର କେୟାର ସମ୍ବନ୍ଧୀୟ ଅନେକ ଟିପ୍ସ ବାଣ୍ଟନ୍ତି । ଲକଡାଉନ ସମୟରେ ସେ ଘରେ ରହି ନିଜର ଅନେକ ଭିଡିଓ ପୋଷ୍ଟ କରି ନିଜ ଶରୀର ଯତ୍ନ ନେବାକୁ ଫ୍ୟାନ୍ସଙ୍କୁ କହିଥିଲେ ।
