ମୁମ୍ବାଇ: ଫିଲ୍ମ ଦୁନିଆରୁ ରାଜନୀତିରେ ପଦାର୍ପଣ କରିଥିବା ମିମି ଚକ୍ରବର୍ତ୍ତୀ ଓ ନୁସରତ ଜହାଂ ଏହି ସମୟରେ ସୋସିଆଲ ମିଡିଆରେ ଛାଇଯାଇଛନ୍ତି । ଦୁଇଜଣଙ୍କ ଫଟୋ ଖୁବ୍ ଭାଇରାଲ ହେବାରେ ଲାଗିଛି । ଫଟୋରେ ତୃଣମୂଳ କଂଗ୍ରେସରୁ ନବନିର୍ବାଚିତ ହୋଇଥିବା ଦୁଇ ସାଂସଦ ୱାଷ୍ଟେର୍ନ ଲୁକରେ ପୋଜ ଦେଇଥିବାର ନଜର ଆସୁଛନ୍ତି ।
ଦୁଇଜଣଙ୍କ ଏହି ଲୁକ ସୋସିଆଲ ମିଡିଆରେ ଯେତେବେଳେ ଟ୍ରୋଲର୍ସଙ୍କ ହାତରେ ଲାଗିଲା ମାତ୍ରେ ତାଙ୍କ ପୋଷାକକୁ ନେଇ ଟ୍ରୋଲ କରିବା ସହ ଅପମାନଜନକ କମେଣ୍ଟ ମଧ୍ୟ କରିଥିଲେ ୟୁଜର୍ସ । ଅନ୍ୟପଟେ କିଛି ୟୁଜର୍ସ ଦୁଇଜଣଙ୍କ ସମର୍ଥନ ମଧ୍ୟ କରିଥିଲେ ।
ତାଙ୍କୁ ସଂସଦ ପଦ ପାଇଁ ଅଯୋଗ୍ୟ ମାନିଛନ୍ତି କିଛି ୟୁଜର୍ସ । ଇତିମଧ୍ୟରେ ଫେମସ ସାମ୍ବାଦିକ ୟଶବନ୍ତ ଦେଶମୁଖ ନବନିର୍ବାଚିତ ସାଂସଦଙ୍କ ପ୍ରଶଂସା କରି ଟ୍ବିଟରରେ ଲେଖିଛନ୍ତି, "ଭାରତର ଆଗାମୀ ପିଢିକୁ ନେତୃତ୍ବ ମିଳିଛି ।"
ପ୍ରକାଶ ଥାଉକି ସୋମବାର ମିମି ଓ ନୁସରତ ୱେଷ୍ଟର୍ନ ଡ୍ରେସରେ ସଂସଦରେ ପହଞ୍ଚିଥିଲେ । ଦୁଇଜଣ ସଂସଦ ବାହାରେ ନିଜର ଫଟୋ କ୍ଲିକ କରି ସୋସିଆଲ ମିଡିଆରେ ସେୟାର କରିଥିଲେ । ଫଟୋରେ ଦୁଇଜଣ ନିଜ ସଂସଦ ଆଇକାର୍ଡ କ୍ୟାମେରାକୁ ଦେଖାଉଥିବାର ନଜର ଆସୁଛନ୍ତି ।
