ମୁମ୍ବାଇ: ଧକଧକ୍ ଗାର୍ଲ ମାଧୁରୀ ଦୀକ୍ଷିତଙ୍କ ସବୁ ଅନ୍ଦାଜ ଆଜି ମଧ୍ୟ ଫ୍ୟାନ୍ସଙ୍କ ପାଇଁ ଖାସ୍ । ହୁଏତଃ ଏବେ ସେ ଫିଲ୍ମ ଠାରୁ ଦୂରେଇ ଅଛନ୍ତି । କିନ୍ତୁ ଦର୍ଶକ ତାଙ୍କ ଗୋଟିଏ ଝଲକ ଦେଖିବା ପାଇଁ ସୋସିଆଲ ମିଡିଆରେ ସବୁବେଳେ ଅପେକ୍ଷା କରିବସିଥାଆନ୍ତି । ଏମିତିରେ ମାଧୁରୀଙ୍କ ଏକ ନୂଆ ଭିଡିଓ ଭାଇରାଲ ହୋଇ ଫ୍ୟାନ୍ସଙ୍କୁ ଖୁସ କରିଦେଇଛି । ଯାହାକୁ ସମସ୍ତେ ପସନ୍ଦ କରିବାରେ ଲାଗିଛନ୍ତି । କାରଣ ଭିଡିଓରେ ମାଧୁରୀ ପୁଣିଥରେ ନିଜର ଲୋକପ୍ରିୟ ଡାନ୍ସ ନମ୍ବରରେ ଠୁମକା ଲଗାଉଥିବାର ନଜର ଆସୁଛନ୍ତି ।
- " class="align-text-top noRightClick twitterSection" data="
">
ପ୍ରକାଶ ଥାଉକି ମାଧୁରୀ ଓ ଅନିଲ କପୁରଙ୍କ ଅଭିନୀତ ଫିଲ୍ମ ‘ତେଜାବ’ ରିଲିଜକୁ 31 ବର୍ଷ ପୂରଣ ହୋଇଯାଇଛି । ଏହି ଅବସରକୁ ମାଧୁରୀ ଭିନ୍ନ ଢଙ୍ଗରେ ସେଲିବ୍ରେଟ କରିଛନ୍ତି । ସେ ଏହି ଫିଲ୍ମର ସୁପରହିଟ୍ ସଙ୍ଗ ‘ଏକ ଦୋ ତିନ’ରେ ଡାନ୍ସ କରି ଫ୍ୟାନ୍ସଙ୍କୁ ଜବରଦସ୍ତ ସରପ୍ରାଇଜ ଦେଇଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ଏକ ଦୋ ତିନ ମୋ ପାଇଁ ସବୁବେଳେ ସ୍ପେଶାଲ ଗୀତ । ଆଜି ମୁଁ ତେଜାବର 31 ବର୍ଷ ପୂରଣ ଅବସର ପାଳନ କରୁଛି । ’
ଭିଡିଓରେ ସେ ବ୍ଲାକ କଲରର ଆଉଟଫିଟରେ ନଜର ଆସୁଛନ୍ତି । ନିଜ ଗୀତରେ ପୁଣି ଠୁମକା ଲଗାଇ ସେ ସମସ୍ତଙ୍କୁ ଦିୱାନା କରିଦେଇଛନ୍ତି । ବର୍ତ୍ତମାନ ଏହି ଭିଡିଓରେ ଫ୍ୟାନ୍ସଙ୍କ ଶାନଦାର କମେଣ୍ଟ ମଧ୍ୟ ଦେଖିବାକୁ ମିଳୁଛି । ଆପଣ ମଧ୍ୟ ଦେଖନ୍ତୁ ମାଧୁରୀଙ୍କ ଏକ, ଦୋ, ତିନ ଅନ୍ଦାଜ ।
